Чулацаман тӀегӀо

Дыдек, Малгожата

ХӀара йаззам Википеди чуьра бу — маьрша энциклопеди
Малгожата Дыдек
пол. Małgorzata Dydek
Карьера чекхйаьккхина
Позици Йуккъера ловзархо
Локхалла 218 см
Йозалла 101 кг
Гражданалла  Польша
Йина терахь 1974 шеран 28 апрель({{padleft:1974|4|0}}-{{padleft:4|2|0}}-{{padleft:28|2|0}})
Йина меттиг Варшава, ПХР
Кхелхина терахь: 2011 шеран 27 май({{padleft:2011|4|0}}-{{padleft:5|2|0}}-{{padleft:27|2|0}}) (37 шо)
Кхелхина меттиг Брисбен, Австрали
Драфт ДКъБА 1-ра, 1998, Юта Старз

Командаш
Долара совгӀаташ а, кхиамаш а
Мидалш
Европин чемпионаташ
Деши Польша 1999
2019 ФИБА Сийлаллин зал
Викилармин логотип Медиафайлаш Викилармехь

Малгожа́та Тере́са Ды́дек-Твигг (пол. Małgorzata Teresa Dydek-Twigg; йина 1974 шеран 28 апрелехь, Варшавехь — йелла 2011 шеран 27 майхь, Брисбенехь), кхин а йевза Марго Дыдек — профессионалан полякийн баскетболхо, Зударийн къоман баскетболан ассоциацин исторехь уггаре лекха ловзархо (цхьацца хьосташкара спортхочун локхалла 213 см тӀера[1] 2018[2][3]) см кхаччалц йу.

Спортан карьера[бӀаьра нисйан | нисйан]

Дыдек Малгожата баскетболех ловза йолайелира 12 шо долуш, левзира Воломинера кегийрхойн «Хураган» командехь. Йукъара дешаран лицей чекхйаьккхинчул тӀаьхьа дийшира физикин оьздангаллин а, спортан а лакхара ишколехь Сопотехь.

Европа[бӀаьра нисйан | нисйан]

1992 шарахь дуьйна левзира Познанера «Олимпийхь», цунна йукъахь йаьккхира шиъ Польшин чемпионат (1993, 1994), Ронкеттин кедан (1993) детин мидал, Европин чемпионийн кедан борза (1994).

1994—1996 шерашкахь левзира французийн «Валансьенехь», ткъа цул тӀаьхьа шина шарахь левзира мадридан «Пул Хетафе» йукъахь, цунна йукъахь хилира шозза Испанин чемпион (1997, 1998), 1988 шеран Евролигин финалхо.

1998 шарахь йухайирзира Польше, барт бира мехкан уггаре чӀогӀачу клубаца — «Фота Портаца» (Гдыня). Командехь даьккхинчу хӀора а ворхӀ шарахь (тӀаьхьа цӀе хийцира «Лотос» аьлла), Дыдек Малгожата хилира мехкан чемпион, 2000 шарахь лерира уггаре мехала ловзархо полякийн лигин финалан, 2002 а, 2004 а шерашкахь левзира Евролигин финалан матчашкахь.

2005/06 шарахь хилира Российн чемпионатан детин совгӀатхо екатеринбурган УГМК йукъахь, ткъа цул тӀаьхьарчу шарахь — «Рос Касарес» командин йукъахь Испанин вице-чемпион а, Евролигин вице-чемпион а.

1998 шеран майхь Дыдек Малгожата хаьржира Зударийн къоман баскетболан ассоциаци «Юта Старз» клубо драфтан хьалхара лоьмарца, иза хилира ДКъБАхь Польшин дуьххьарлера векал[4]. 1998 шеран 11 июнехь «Лос-Анджелес Спаркс» йукъахь дебютан ловзарехь йира 6 блок-шот, «Спарксан» центровойн Лесли Лизин хилла рекорд йухайира. Оццу чемпионатехь «Кливленд Рокерсца ловзуш» йира 9 блок-шот, цуьнца цхьаьна хӀоттийра керла рекорд, иза ша йохийра 2011 шеран 7 июнехь «Орландо Миракл» цӀе йолчу командин дуьхьала ловзуш, матчехь хӀоттийра 10 блок. Иштта Дыдек блок-шотийн рекордхо хилира 1998 шарах — йерриг (114) а, ловзарехь йукъара а (3,80).

ДКъБА[бӀаьра нисйан | нисйан]

«Юта Старз» йукъахь (2003 шарахь дуьйна — «Сан-Антонио Силвер Старз») Дыдек левзина ДКъБА 7 чемпионатехь, 2005 шарахь дехьайелира «Коннектикут Сан» йукъа, цуьнца оццу шарахь лигин финале кхечира. 2003 а, 2006 а шерашкахь левзира ДКъБА седарчийн матч. 2008 шеран августехь йоцачу хана контракт дира «Лос-Анджелес Спарксца».

ДКъБА 11 шарахь Дыдек Малгожата левзина 323 матчехь, кхоьссина 3220 очко (йуккъера барам 10,0 очко ловзарехь), 2143-зза буьрка схьаийцира (6,6). Плей-офф 24 матчехь йуккъера барам 8,3 очко кхуссура, 6,5 буьрка схьаэцара, 2,46 блок-шот йора ловзарехь. Иза йу йерриг хенан рекордхо блок-шотийн барамца (877), ткъа блок-шотийн цхьаьна матчан йуккъера барамца (2,72) ца оьшу Грайнер Бриттнел.

Польшин гулйина команда[бӀаьра нисйан | нисйан]

Польшин жимахойн гулйина командин йукъахь Дыдек Малгожата Европин чемпионатан (1992) а, дуьненан чемпионатан (1993) а борзанан совгӀатхо хилира.

1993 шеран 8 июнехь дебют йира къоман къоман гулйина командин йукъахь Европин чемпионатехь Испанин дуьхьала, кхоьссира ловзарехь 15 очко. 1999 шарахь Польшехь хиллачу Европин чемпионатехь Дыдек Малгожата чемпионан титул йаьккхина ца Ӏаш, хилира турнира уггаре жамӀе ловзархо (154 очко, ловзарехь йуккъера барам 19,3). Шеран жамӀашца италин La Gazzetta dello Sport газето уггаре дика Европин баскетболхо.

Гулйина командин йукъахь иза левзира 2000 шеран Сиднейра Олимпийн ловзаршкахь (8-гӀа меттиг), 1994 шеран дуьненан чемпионатехь, 2001 а, 2003 а шерийн Европин чемпионаташкахь. Малгожатица цхьаьна къоман гулйина командехь еххачу хенахь левзина цуьнан йоккхаха йолу йиша Дыдек Катажина[5].

Шен дахар[бӀаьра нисйан | нисйан]

Дыдек Малгожата марехь йара ингалсхочун Твигг Дэвидехь, шиъ кӀант кхиош йара[6]. Карьера чекхйаьккхича кхелхира доьзалца Австрале, Брисбенехь тренер болх бира «Нортсайд Уизардс» командехь. Бераллехь дуьйна бала хьоьгуш йара аритмийца[7].

2011 шеран 19 майхь Дыдек, цӀахь йолуш, гӀуо хилира. Лоьраша куьйга комин хьоле йаьккхира иза, молханашца организме болх бойтура. 27 майхь Дыдек Малгожата йелира. Иза биъ бутт кхаьчна доьзалхочух йара, бер а кӀелхьара ца даккхаделира[8]. Дыдек Малгожатин чим чохь болу гӀутакх Польше а деира 17 июнехь, дӀадоьллира Зомбки кешнашкахь[9].

Пачхьалкхан совгӀаташ[бӀаьра нисйан | нисйан]

  • Дешин ЖӀар ГӀуллакхашна (1999 шеран 10 июнехь) — спорт кхиорехь кхиамашна, баскетболех ловзаран Европин 1999 шеран чемпионатан толамна.[10]
  • Польша Денйаран 5 тӀегӀанера орденан кавалерийн жӀар (2011 шеран 15 июнехь, еллачул тӀаьхьа) — гӀарабевлла спортан кхиамашна, зударийн баскетбол кхиорехь гӀуллакхаш дарна[11].

Иэс[бӀаьра нисйан | нисйан]

Спортхочун иэсана 2012 шеран 22 - 24 июнехь Спортан а, сада\аран а «Хураган» зал чохь Воломинехь хилира I Дуьненайукъара кегийрхойн Дыдек Малгожатин мемориал[12].

Билгалдахарш[бӀаьра нисйан | нисйан]

  1. Профиль на сайте FIBA-Европа (инг.). ТӀекхочу дата: 2013 шеран 4 январь. Архивйина 2013 шеран 27 январехь
  2. Players and Fans Remember Margo Dydek (инг.). wnba.com (2011 шеран 27 май). ТӀекхочу дата: 2013 шеран 4 январь. Архивйина 2013 шеран 27 январехь
  3. Ptyś, czyli więcej niż gwiazda (польяк.). Gazeta.pl (2011 шеран 29 май). ТӀекхочу дата: 2013 шеран 4 январь.
  4. Биография на сайте Польского олимпийского комитета (польяк.). ТӀекхочу дата: 2013 шеран 4 январь. Архивйина 2013 шеран 27 январехь
  5. Gdzie te dziewczyny z tamtych lat? (польяк.). Przegląd Sportowy (2011 шеран 11 июнь). ТӀекхочу дата: 2013 шеран 4 январь. Архивйина 2013 шеран 27 январехь Архивйина 2016-03-06 — Wayback Machine
  6. «Zawsze będę wystawała na pół metra» (польяк.). Przegląd Sportowy (2011 шеран 1 январь). ТӀекхочу дата: 2013 шеран 4 январь. Архивйина 2013 шеран 27 январехь Архивйина 2016-03-07 — Wayback Machine
  7. Małgorzata Dydek nie żyje. Gazeta.pl (2011 шеран 27 май). ТӀекхочу дата: 2013 шеран 4 январь.
  8. Не стало самой высокорослой баскетболистки Европы. «Коммерсантъ» (2011 шеран 27 май). ТӀекхочу дата: 2013 шеран 4 январь.
  9. Sportowa Polska pożegnała Małgorzatę Dydek (польяк.). Sport.pl (2011 шеран 17 июнь). ТӀекхочу дата: 2013 шеран 4 январь. Архивйина 2013 шеран 27 январехь
  10. Postanowienie Prezydenta Rzeczypospolitej Polskiej z dnia 10 czerwca 1999 r. o nadaniu orderów i odznaczeń (польяк.). Internetowy System Aktów Prawnych. ТӀекхочу дата: 2013 шеран 4 январь. Архивйина 2013 шеран 27 январехь
  11. Postanowienie Prezydenta Rzeczypospolitej Polskiej z dnia 15 czerwca 2011 r. o nadaniu orderu (польяк.). Internetowy System Aktów Prawnych. ТӀекхочу дата: 2013 шеран 4 январь. Архивйина 2013 шеран 27 январехь
  12. I Międzynarodowy Młodzieżowy Memoriał Małgorzaty Dydek (польяк.). Ośrodek Sportu i Rekreacji «Huragan». ТӀекхочу дата: 2013 шеран 4 январь. Архивйина 2013 шеран 27 январехь (ТӀе цакхочу хьажорг)

Хьажоргаш[бӀаьра нисйан | нисйан]