Хажмурадов, Ӏайнди Алиевич

ХӀара яззам Википеди чура бу — маьрша энциклопеди
Перейти к навигации Перейти к поиску
Хажмурадов Ӏайнди Ӏелийн кӀант
IMG 20180507 192000Хажмурадов Ӏайнди Алиевич.jpg
ГӀуллакхан тайпа журналист
Вина терахь 1955 шеран 23 май({{padleft:1955|4|0}}-{{padleft:5|2|0}}-{{padleft:23|2|0}}) (64 шо)
Вина меттиг Коунрад, Карагандан областан, Кхаз.ССР, ССРС
Корматалла яздархо, поэт
Гражданалла ССРС ССРСРосси Росси
Да Ӏела
Нана Зарган
Бераш 3 йоӀ

Хажмура́дов Ӏа́йнди Алиевич (1955 шеран 25 май) — нохчийн журналист, яздархо[1], поэт[2], 1983 шарахь дуьйна ССРС журналистийн Союзан декъашхо, 2011 шарахь дуьйна Российн яздархой Союзан декъашхо, 1976 шарахь Германера Дрезден гӀалахь хиллачу ерригевропан хелхаран фестивалан лауреат, вайнехан «Лаьмнийн Поэма» цӀе йолу хелхар хӀотторна мидал а луш. Тайпана аргӀано.

Биографи[нисъе | нисъе чухулара]

Хажмурадов Ӏайнди вина 1955 шеран 25 майхь Кхаз.ССР, Карагандан областан, Коунрадехь. Ӏайндин ден Ӏелийн доьзал боккха а, бертахь а бара – ворхӀ кӀанттий, цхьаъ йиший. 1960 шарахь Кхазакхстанера Даймахкарчу, шайн дайш баьхначу ЧӀулга-Юрта[3] цӀа дирзинчул тӀаьхьа, юьртара юккъера ишкол чекхъяьккхира. 1972-1975 шерашкахь чекхдаьккхина Соьлжа-ГӀалара Оьздангаллин Серлонан училищан хелхаран дакъа. 1975-1977 шерашкахь эскарехь хилла Германерчу Эберсфальдерерчу, ерриг Европехь гӀараяьллачу Советийн Эскаран хелхарийн а, эшарийн а ансамблан хелхаран солист волуш тӀемалочун декхар дӀадалар нисделла. 1976 шарахь Германера Дрезден гӀалахь хиллачу ерригевропан хелхаран фестивалехь хьалхара меттиг баьккхина, вайнехан «Лаьмнийн Поэма» цӀе йолу хелхар хӀотторна мидал а луш. 1984-1990 шерашкахь балхана юкъара а ца волуш чекъяьккхина Л.Н.Толстойн цӀарах йолчу Нохч-ГӀалгӀайн университетан филологин факультет. Белхаш бина: оьздангаллехь, журналистикехь, ишколехь, мехкдаьттан промышленностехь, гӀишлошъярехь. Ӏайнди болхбеш ву Теркан кӀоштан «Теркйист» газетехь журналист.

Кхолларалла[нисъе | нисъе чухулара]

Ӏайнди язъян волавелла ишколехь дуьйна. Миччанхьа Ӏен дезнехь а, болх бинехь а, язъяр дита ца делла.

  • 1983 шарахь ССРС-н журналистийн союзе дӀаэцна.
  • 1995 шарахь дуьйна Российн журналистийн союзехь ву.
  • 2009 шарахь араяьлла «Са боцу са» повесть.
  • 2010 шарахь арадаьлла «Безаман ӀиндагӀ»[4] цӀарца кегийра дийцарш долу жайна.
  • 2011 шарахь Российн яздархойн союзе дӀаэцна.
  • 2011 шарахь араевлла «ДоӀа»[5] цӀе йолу стихаш.
  • 2012 шарахь арадаьлла «Марчо» цӀе йолу дийцарш.
  • 2013 шарахь арадаьлла «Безаман дирста» цӀе йолу дийцар.
  • 2014 шарахь арадаьлла «ЧӀиран хӀоллам» цӀе йолу дийцар.
  • 2018 шарахь арадаьлла «Диканан хьост» цӀе йолу дийцар.

Лакхахь дийцина жайнаш доцуш, Ӏайндин дуккха а дийцарш, масех повесть зорба тоьхна яздархойн юкъараллин жайнин сборникаш тӀехь а, «Орга», «Вайнах» журналаш тӀехь а.

Доьзалла[нисъе | нисъе чухулара]

Ӏайндин доьзаллехь кхоъ йоӀ ю.

Хьажоргаш[нисъе | нисъе чухулара]

Билгалдахарш[нисъе | нисъе чухулара]