Крячко, Валентин Николаевич

ХӀара йаззам Википеди чуьра бу — маьрша энциклопеди
Навигацин тӀегӀо Лахарна тӀегӀо
Википедехь иштта фамили йолуш нахах лаьцна яззамаш бу, хьж. .
Футбол
Крячко Валентин
Юьззина цӀе Крячко Валентин Николаевич
Вина терахь 1958 шеран 27 январь({{padleft:1958|4|0}}-{{padleft:1|2|0}}-{{padleft:27|2|0}}) (63 шо)
Вина меттиг Комсомольски, Змиёвн кӀошт, Харьковн область, Украинийн ССР, СССР
Гражданалла
Позици турсло
Кегийрхойн клубаш
1974 Байракх ССРС Металлист
Клубан карьера[* 1]
1975—1981 Байракх ССРС Металлист 194 (1)
1982 Байракх ССРС СКА (Киев) 36 (1)
1983 Байракх ССРС Металлист 3 (0)
1984 Байракх ССРС Маяк (Харьков) 36 (0)
1985—1986 Байракх ССРС Металлист 27 (0)
1991 Байракх ССРС Ритм (Белгород) 42 (0)
1992 Байракх Российн (1991—1993) Салют 30 (0)
1994 Украинин байракх Металлист 2 (0)
1997—1998 Российн байракх Салют-ЮКОС 43 (0)
Тренеран карьера
1994 Украинин байракх Металлист тренер
1994—1995 Украинин байракх Темп тренер
1995 Украинин байракх Темп-АДВИС
1998—2001 Украинин байракх Арсенал (Харьков)
2001—2002 Украинин байракх Металлист тренер
2002—2003 Украинин байракх Металлист
2003—2004 Украинин байракх Гелиос (Харьков)
  1. ↑ Профессионалан клубехь ловзаран а, голийн а барам лору къоман чемпионатийн тайп-тайпана лиганашкара.

Крячко Валентин Николаевич (укр. Валентин Миколайович Крячко; 1958 шеран 27 январехь, Комсомольски, Змиёвн кӀошт, Харьковн область, Украинийн ССР, ССРС) — советийн, украинин футболист а, тренер а, кегийрхойшна юкъара дуьненан чемпион (1977), ССРС дуьненаюкъара классан спортан говзанча (1977).

Футболан биографи[нисйе бӀаьра | нисйе]

Ловзархочун карьера[нисйе бӀаьра | нисйе]

Валентин футболех ловза волавелла ша вехачу юьртахь Слобожански. ТӀаьхьа кхечира харьковн спортинтернатан дуьххьара гулйиначу классе, цигахь цуьнан тренер хилира Кольцов Николай Михайлович.

1974 шарахь, 9 классан дешархо волуш, дебют хилира харьковн «Металлистийн» дублёрашна юкъахь, ткъа 1975 шеран 9 августехь, хьалхарчу лигин командийн «Динамо» (Минск) — «Металлист» дуьххьара аравелира ловза Харьковн коьрта командин юкъахь. Оццу шарахь деша вахара киевн спортинтернате тренер В. Киянченко волчу[1].

Дукха хан ялале Крячкога кхойкху ССРС гулйина жимахойн команде, цигахь левзира шен нийсархошца а, 1958 шарахь динчу берашца, кхин баккхийчеран гулйина командехь а. 1976 шарахь Валентин хуьлу официалан йоцучу жимахошна юкъара Европин чемпионатан толамхо, иза хилира Мажарчохь. Кхин а шо даьлча хилира кегийрхойн дуьненан чемпионат Тунисехь, цигахь Крячко ССРС гулйинчу командица юха а хуьлу толамхо[1].

Къоначу юккъера турслочун ловзаран тидам бахара дукха футболан тренерийн, Валентинега кхайкхира москохан «Локомотиве», шозза кхайкхира киевн «Динамо»[1]. Амма гӀараевллачу командашка дехьавала турсло ца хӀоьттира, Харьковхь висира иза. 1975 шарахь дуьйна левзира «Металлист» юкъахь, 1981 шарахь цуьнца яьккхира лакхарчу лигехь ловза бакъо.

1982 шо даьхьира киевн СКА юкъахь, иза цига хьажийра тӀемлойн гӀуллакхе. 1983 шарахь юхавирзира «Металлисте», цунна юкъахь кхо матч а левзина шо чекхдаллалц дехьаваьккхира кхечу харьковн команде — «Маяке», цул тӀаьхьа юха а гӀалин коьрта команде юхавирзира.

1986 шарахь лоьрашна карийра Валентинан деган болх нийса ца хилар — аритми, цул тӀаьхьа 28 шо долу футболистан дийзира ловзархочун карьера йита, тӀаккха тренеран болх бан волавелира[2]. ТӀаьхо масехаза карлаяьккхира ловзархочун карьера. 1990-гӀа шерийн юьххьехь а, чеккхенгахь а левзира Белгородан профессионалан клубехь.

Тренеран карьера[нисйе бӀаьра | нисйе]

1986 - 1993 шерашкахь ДЮСШ «Металлистехь» бераш Ӏамош вара. Дезткъе итталгӀа шерашкахь спортан ишколехь тренер балхахь а волуш, ловзуш вара Белгородера «Ритм» клубехь[2].

1994 шарахь ассистент вара «Металлистан» тренеран Довбий Александран, ткъа иза дӀаваьллачул тӀаьхьа коьрта тренер хӀоттийра Камарзаев Виктор, киевн «Динамон» а, донецкан «Шахтёран» а дуьхьалара чемпионатан матчашкахь дакъалецира ловзархо волуш. 1994 шо чекхдолуш вахара Ткаченко Леонидан гӀоьнча болхбан лакхарчу лигера «Темп» (Шепетовка) клубе, иза дукха хан ялале финансаш ца хиларна дӀасахийцира[2]. 1995 шеран августера ноябрь кхаччалц коьтехь лаьттира, хьалхалера клубах бисинчу ловзархойх йина, «Темп-АДВИС» клубан, амма дукха хан ялале, оцу клубах хьалхарчих хилларг хилира.

1997—1998 шерашкахь Крячко юха а футболан арене велира футболистан статусехь, российн Белгородера «Салют-ЮКОС» командехь.

1998 шарахь лаьттира харьковн футболан команда «Арсенал» кхолларан хьостехь , цигахь коьрта тренер лаьттира 2001 шо кхаччалц, цул тӀаьхьа юхавирзира «Металлисте», цигахь 2001 июлехь дуьйна я Фоменко Михаилан ассистент хилира[3]. 2002 шеран ноябрехь хӀоттийра харьковн командин коьрта тренер, оцу даржехь болх бира 2003 шеран май бутт кхаччалц.

2003 шерера 2004 шеран апрель кхаччалц тренер вара кхин цхьаьна харьковн клубан — «Гелиосан».

Болх бира «Калина-Харьков» фирмехь, цигахь кхоьллира гӀалин чемпионатахь ловзу футболан команда[1]. Левзира Харьковн ветеранийн командашкахь.

ТӀаьхьа — Харьковн кӀоштан пачхьалкхан администрацин доьзалан, кегийрхойн, спортан гӀуллакхан декъан хьаькам[4].

Дешар[нисйе бӀаьра | нисйе]

Кхиамаш[нисйе бӀаьра | нисйе]

  • Кегийрхошна юкъара дуьненан чемпион: (1977)
  • Жимахошна юкъахь Европин чемпион: (1976)
  • ССРС хьалхара лигин толамхо: (1981)
  • ССРС шолгӀа лигин толамхо: (1978)
  • Жимахошна юкъахь УССР чемпион: (1974)
  • ЕЛККС ЦК «Жималлин Кад» турниран толамхо: (1974)
  • ССРС къаьмнийн ишколхошна юкъара XIV Спартакиадин толамхо: (1976)

Билгалдахарш[нисйе бӀаьра | нисйе]

  1. ↑ 1 2 3 4 Валентин Крячко: «Я дважды отказывал Лобановскому»
  2. ↑ 1 2 3 Валентин Крячко — счастливый человек
  3. ↑ Тренерами «Металлиста» назначены Валентин Крячко и Юрий Сивуха
  4. ↑ Валентин Крячко: «Наш район лидирует» // Газета «Трибуна трудящихся» — 16 ноября 2011 — № 86(8749) — с.4(ТӀе цакхочу хьажорг)
Хьост — «https://ce.wikipedia.org/w/index.php?title=Крячко,_Валентин_Николаевич&oldid=5445724»