Аль-ЯсаӀ

Аль-ЯсаӀ اليسع‎
Говзалла	пайхамар (элча)
Вина терахь	IX бӀешо в. э. хь.
Кхелхина терахь	790 вайн эра тӀеяле
ДӀавоьллина меттиг	Эль-Авджамехь
Динлелор	Ислам
Хьехархой	Ильяс
Динашкахь ларар	Ислам — Аль-ЯсаӀ, керсталла — Елисей яхӀудий — Элиша́

Аль-ЯсаӀ, АльясаӀ (Ӏаьр. اليسع‎‎) — исламан пайхамар , Ильяс пайхамаран дешархо, хьажийна бану Исраилашна Ильяс пайхамарал тӀаьхьа. Керсталлехь Елисей олу. Хьахийна Къуръан чохь шозза.

Биографи

Аль-ЯсаӀ пайхамар ваьхна Ильяс пайхамаран а, веа исраилан паччахьийн (Иораман, Иегун, Иоахазан, Иоасан) а заманахь. Ильяс шен халкъо эккхийначул тӀаьхьа, иза волавелира дин хьеха кхечу исраилан тайпанашна, цхьамма царех и тӀеийцира. Ильяс сецира оцу хенахь чӀогӀа цомгуш волчу Аль-ЯсаӀан ненан хӀусамехь. Аль-ЯсаӀан нанас дехар дина Ильяс пайхамара дуӀа дина, АллахӀа иза товира. Товеллачул тӀаьхьа Аль-ЯсаӀ цуьнан дахар дӀадаллалц Ильяс пайхамарах ца велира, цуьнан куьйгаллийца Ӏамийра Товрат. Исламан Ӏелам стага Ибн Касира силсила толлу Аль-ЯсаӀан, ден агӀора иза йоьду Харуне.

Ильяс кхелхинчул тӀаьхьа Аль-ЯсаӀ пайхамар кхин дӀа кхайкха волавелира бану исраилашка Муса пайхамаран дине, амма цара иза дӀатеттира. Бану исраилан тайпанашна юкъахь лилхинчу девнаш бахьнехь ницкъаш гӀелделира, цуо таро йира ассирийхойн схьадаха и латтанаш, дӀабига исраилхойн доккхаха долу дакъа лолле.

Аль-ЯсаӀан караматалла яра.

Ша валале Аль-ЯсаӀа шен гӀуллакх дӀакхехьа тӀедиллира Зу-ль-Кифлан. Каш ду Эль-Авджамехь, Эль-КъатӀифан йисттехь (СаӀудийн Ӏаьрбийчоьнан малхбуза провинци).

Литература

• Али-заде А. А. Аль-ЯсаӀ : [арх. 1 октябрехь 2011] // Исламский энциклопедический словарь. — М. : Ансар, 2007. — 400 с. — (Золотой фонд исламской мысли). — ISBN 5-98443-025-8.

Хьажоргаш

• Prophet Al-Yasa al-huda.com
• The Story of Al-Yasa (Elisha) islam101.com
• Могила пророка Аль-Яса (Елисея) (видео) youtube.com