Дадашева, Тамара Висхаджиевна

ХӀара яззам Википеди чура бу — маьрша энциклопеди
Дехьа гӀо: навигаци a, Лахар
Italian traffic signs - icona teatro.svg
Тамара Висхаджиевна Дадашева
Dadasheva Tamara Viskhadzhievna.jpg
Коьрта хаам
Йина де

1955 шеран 10 ноябрь({{padleft:1955|4|0}}-{{padleft:11|2|0}}-{{padleft:10|2|0}}) (61 шо)

Йина меттиг

Ошан область, ГӀиргӀазойн ССР, СССР

Пачхьалкх

ССРСFlag of the Soviet Union.svg ССРСРоссиFlag of Russia.svg Росси

Говзаллаш

эшархо, композитор

Коллективаш
  • Нохч-гӀалгӀайн пачхьалкхан филармони;
  • Зударийн эшарийн ансамбль «Жайна»;
СовгӀаташ

Нохч-ГӀалгӀайн АССР Халкъан артистка


Images.png Арахьара суьрташ
Image-silk.png Тамара
Image-silk.png Дадашева

Тама́ра Дада́шева (1955 шеран 10 ноябрь, Ошан область, ГӀиргӀазойн ССР, СССР) — нохчийн эшархо а, композитор а, Нохч-ГӀалгӀайн АССРн Халкъан артистка, Нохчичоьнан исбаьхьаллин Сийлахь гӀуллакхо.

Биографи[нисъе | нисъе чухулара]

Йина Киргизийн Ошан областехь. Школера ялча иза райисполкоме яхара секретарь болх бан. Цо исбаьхьаллин кхолламаллехь дакъа лоцура. Цхьана динахь республикан радион белхлой бехкира иза йолчу балха. Цара эшар лакхар дихира белхлошка[1].

« Тхо долчу бехкира радион белхалой эшеран отделан редактор Тамара Ахмадова коьртахь а йолуш. Цара соьга эшар лакха элира. Аса лекхира цхьа эшар. Оцу эшеран дешнаш аса цхьана книгин тӀера ийцира, мукъам аса айса кхоьллира. Иза дӀа а язйина радио чухула лекхира[1]. »

Эшар гӀараелира. Дадашева радиос а, телевиденис кхайкха йолайира.

« Со цкъа хьалха ца кхетара сайна гонах хуьлуш долчунах. Со хилира республикан массо а дезденан гӀуллакхан декъашхо. Аса лехна йоцу а, со кийча йоцу а гӀараялар еара соьга. Тхо долчу Ножай-Юрте нах яккхи тобанашца схьаоьхура суна тӀе хьажа[1]. »

Цкъа хьалха цо корматаллин сценех лаьцна ойла ца йора. Иза яра фармацевт болх бан лууш. Иза медучилище деша яхара. Амма тӀаьхьа цо медицина йитира. Цуьнан хьалхара концерташ аншлагаш хуьлуш чекхъелира[1].

Цо чекхъяккхира музыкальни училище а, культпросветучилище а, кооперативни училище а, хьехархойн институт а[1].

1976 шо дуьйна иза яра Нохч-ГӀалгӀайн пачхьалкхан филармонин солистка. 1982 шарахь иза хилира «Жайна» цӀе йолу зударийн эшеран ансамблан исбаьхьаллин куьйгалхо. И ансамбль гӀараелира республикехь. Тамара Дадашева хилира дукха ерригсоюзан а, республикан а конкурсийн лауреат а, дипломант а[1].

Шен майра велча цо цхьана шарахь сов эшараш ца лоькхура. Иза яра шен болх бита лууш. Амма цуьнан доттагӀаш а, гергарчара а дехараш дина, цо шен болх ца битира[1].

2004 шеран 9 маехь иза яра Соьлжа-ГӀалахь «Динамо» стадионехь концертехь дакъа лоцуш. Иза эшар лекхна ма ялла эккхар хилира. Концертехь волу Ахмат Кадыров винера. Иза а лазийнера. Цо цхьа хан яккхира Нальчикехь больницехь[1].

1982 шарахь цунна елира Нохч-ГӀалгӀайн АССР Сийлахь артисткан цӀе, 1990 шарахь — Нохч-ГӀалгӀайн АССР Халкъан артисткан цӀе. 2004 шарахь иза хилира Нохчийн Республикан «Шеран адам». 2005 шарахь цунна елира «Пётр I» медаль[2].

Актриса дукха лела гастролешца Россиехь а (Москва, Москван область, Махачкала, Нальчик, Элиста), Европехь а (Германи, Нидерландаш, Австри, Норвеги, Бельги)[2].

СовгӀаташ[нисъе | нисъе чухулара]

  • 1982 — Нохч-ГӀалгӀайн АССР Сийлахь артист;
  • 1990 — Нохч-ГӀалгӀайн АССР Халкъан артист;
  • 2004 — Нохчийн Республика «Шеран адам»;
  • 2005 — Пётр I медаль;
  • 2009 — Нохчийн Республикан исбаьхьаллин Сийлахь гӀуллакхо[3];

1996 шарахь иза хьалхатеттира Российн Сийлахь артистка цӀе яларан, амма Нохчичоьхь тӀом хиларна бахьнехь иза реза ца хилира и цӀе тӀелаца[1].

Доьзалла[нисъе | нисъе чухулара]

  • Да — стоматолог;
  • Майра — лор, профессор, Хасан Мусалатов;
  • КӀант (1999).

Билгалдахарш[нисъе | нисъе чухулара]

  1. 1 2 3 4 5 6 7 8 9 Дадашева Тамара
  2. 1 2 Биография. Тамара Дадашева
  3. Указ президента Чеченской Республики от 30 декабря 2009 года № 403 «О присвоении почётного звания Заслуженный деятель искусств Чеченской Республики Дадашевой Т. В.». Вести республики, 2010, 18 февраль.

Хьажоргаш[нисъе | нисъе чухулара]