Вараев, Адлан Абуевич

Адлан Абуевич Вараев
; Адлан Абуевич Вараев
Шех лаьцна
Стен-боьршалла	боьршаниг
Пачхьалкх	ССРС → Росси
Говзалла	паргӀата кепар латар
Вина терахь	1962 шеран 2 январь
Вина меттиг	Садови, Соьлжа-ГӀалин кӀошт, Нохчийн Республика, РСФСР, ССРС
Кхелхина терахь	2016 шеран 4 май (54 шо)
Кхелхина меттиг	Нохчийн Республика, Росси;
Спортан карьера	1985—1992
Тренераш	Багаев, Дэги Имранович,; Дзгоев, Асланбек Захарович
Локхалла	170 сантиметр
Йозалла	74 кг
СовгӀаташ а, мидалш а
Олимпан ловзарш
Дуьненан чемпионат
Европин чемпионат
Дика Ӏалашойн ловзарш
ССРС чемпионат

ХӀокху терминан кхин а маьӀнаш ду, хьажа Вараев.

Адла́н Абу́евич Вара́ев (1962 шеран 2 январь^[1], Садови, Соьлжа-ГӀалин кӀошт, Нохчийн Республика, РСФСР, ССРС) — нохчийн паргӀата кепар латаран ССРС а, Европин а, дуьненан а чемпион, ССРС Сийлахь спортан говзанча, Олимпиадан дато совгӀатхо.

Биографи

Адлан Абуевич Вараев вина Соьлжа-ГӀалин кӀоштан Садови юртахь. Иза лата Ӏама волавелира шен воккха ваша Вахид бахьнехь. Цуьнан хьалхара тренер вара Дэги Багаев^[2].

1985 шарахь цо ССРС чемпионатехь борзан мидал йаьккхира. 1986 шарахь цо толамаш беккхира ССРС а, Европин а чемпионаташкахь, дато Мидалш йаьккхира Дика Ӏалашон ловзарашкахь а, дуьненан чемпионатехь а. И кхиамаш бахьнехь цунна йелира ССРС Сийлахь спортан говзанчан цӀе. 1987 шарахь иза хилира ССРС а, Европин а, дуьненан а чемпион. 1988 шарахь иза йуха а хилира Европин чемпион. Олимпиадехь цо дато мидал йаьккхира суьдхойш цунна дуьхьала хиларна бахьнехь^[3].

1990 шарахь цо йаьккхира борзан мидал Дика Ӏалашон ловзарашкахь а, дато мидал Российн чемпионатехь а, 1992 шарахь — борзан мидал СНГ чемпионатехь а.

1996 шарахь Адлан Вараев хилира «Российн Сийлахь тренер». Цуьнан шиъ лакхара образовани йу. 1989 шарахь цо чекхйаьккхира Нохчийн хьехархойн институтан физкультуран факультет, 1998 шарахь — физкультуран тӀеман факультет. Тахана иза ву Российн паргӀата кепар латаран гулйина тобанан коьрта тренер а, Российн спортан латаран Федерацин 1-ра вице-президент (иза ву паргӀата кепар латарах жоп луш).

Пачхьалкхан совгӀаташ

Мидал «За трудовую доблесть» (шозза)^[4]
Орденан мидал «За заслуги перед Отечеством» II даржан^[5]

Билгалдахарш

Хьажоргаш

[1] Персональная страничка А. А. Вараева на сайте Федерации спортивной борьбы России Архивйина 2013-10-22 — Wayback Machine

[2] Встреча поколений «Спорт на всю жизнь»

[3] Первые олимпийцы

[4] Подарки для чеченских борцов от Адлана Вараева Архивйина 2007-02-11 — Wayback Machine

[5] Виталий Мутко вручил государственные награды известным спортсменам, тренерам и работникам спортивной отрасли Архивйина 2016-03-04 — Wayback Machine

[1]

[2]

[3]

[4]

[5]