Салахь

ХӀара яззам Википеди чура бу — маьрша энциклопеди
Дехьа гӀо: навигаци a, Лахар
Салахь
Ӏаьр. صٰالَحْ‎‎
Salih and the she camel.jpg
Говзалла

Пайхамар, хьехамча

Са́лахь (Ӏаьр. صٰالَحْ‎‎) — исламан пайхамар ву, АллахӀ-Дала «Самуд» къоман ваитина а ву.

Истори эмкалца[нисъе | нисъе чухулара]

Деланаш бу бохуш тӀулгашна а, жӀарашна а, цӀарна а, хинна а, малхана а, баттана а ламазаш деш, цӀенчу тешарах тилла и къам, духа нийсачу новкъа даккхийта, Дала шен цӀе Салахь а йолуш, пайхамар ваийтина хилла оцу къомана, амма Салахь-пайхамар бакъвеш ца хилла цара. Цхьа билгало гайта шайна хьо Делера пайхамар хиларан, бохуш хилла оцу наха. ХӀун билгало езара шуна аьлла хаьттича, — лома юккъера эмкал схьаялийта, шен кийрахь кӀорни а йолуш, аьлла вукхара. Салахь-пайхамара Деле доӀа дина.

Лам бетӀаш дӀа-схьа а хербелла эмкал гучуяьлла, ехка хан генахь йоцу билгалонаш а йолуш. Цо кӀорни а йина дукха хан ялале. ТӀаккха цхьаболчара Салахь бакъвина, цунна тӀаьхьа хӀиттина. Амма дукхах берш тӀе боьрзуш ца хилла.

Эмкална зулам дахь Дала могуьйтур дац, аьлла, дӀа аьлла оцу нахе. Ӏуьйранна яжа ара а йолуш, суьйранна чу а йогӀуш, дукха нахана кхачо ялла шура а латтош, лелаш хилла и еза эмкал. Кхинйолу эмкалаш цунах кхоьруш, къехкаш лела яьлла, урс а хьаькхна йийна цара и эмкал. Цуьнан са даларца цӀеххьана стиглара инзаре мох беана, стигал къевкъина. Ткъа Ӏуьйранна эмкална лазам мел бинарг а, ца тешнарш а, садаьлла Ӏуьллуш хилла, лаьтта бертал а тоьхна. Цу кепара лаьтта тӀера дайна и къам. Ткъа церан мохк нажжаз хилла бисина.