Кунья (цӀе)
Ку́нья (Ӏаьр. کنیة) — Iаьрбийн цIеран дакъа, долало Абун (божаршна) а, Умман (зударшна) а тIиера, чекхдолу кIентан я йоьIан цIарца. Цхьацца меттигашкахь куньяно дика амал лелайо (масала, Абуль-Хайр, Абуль-Баракат). ЦIе а ца йоккхуш, кунья алар, Iаьрбийн лерам бар лору[1].
Iаьрбийн цIе[нисйе бӀаьра | нисйе]
Дукха хьолахь Iаьрбоша кунья ло воккхаха волчу кIентан цIарах, амма меттигаш хуьлу кунья кхечу кIентан я йоьIан цIарах туьллуш а. Кунья иштта яла тарло берана а, бер доцу воккхачунна а. Берашна куньяш луш, Iаьрбаша дог дохуш санна хета, шен беран доьзалхо хиллалц иза дехар долуш санна[2].
Ислам[нисйе бӀаьра | нисйе]
Исламан ламастехь куньян доккха маьIна ло. Имам аль-ГIазалис яздо цунах:
« АллахIан элчано
шен асхьабийн кунья йоккхуш хилла. Деш хилла цуо иза, церан сий а, лерам а бархьама, цуьнца царна хазахетар дан а. Цкъацца цуо ша хоржура асхьабашна йогIу кунью, оцу куньяца вист а хуьлура цаьрга. Цунна тIаьххье кхечу асхьабаша а олура и кунья. Стеган бераш ца хилчи а АллахIан элчано
— Мустафа Хусейни Дашти. Маареф ва маариф. — Т. 8. — С. 595.
Мухаммад пайхамаран 
кунья Абуль-Къасим яра. Цуьнан кӀант хилла Къасим цӀе йолуш, жима волуш вела иза. Имам ан-Нававис шен «Азкара» жайнахь куньяш гулйина йоӀрийн цӀарах техкина куньяшца бевза асхьабийн а, табиӀинийн а[3].
ГӀуо кунья[нисйе бӀаьра | нисйе]
Наггахь кунья лелайо ца вашар, лерам ца хилар билгалдоккхуш. Исламан исторехь меттигаш хилла, гӀуо куньяш луш, масала, Абу Джахль (Боданаллин да), Абу ЛахӀаб (ЦӀеран да). И нах кхайкхамца дуьхьало еш бара Мухьаммад пайхамарна , хӀумалгаш лелайора бусалбанашна[4].
Куньях долу жайнаш[нисйе бӀаьра | нисйе]
Кутуб аль-асмаъ ва-ль-куна ва-ль-алькъаб (Ӏаьр. كتب الأسماء و الكنى و الألقاب) — и жайнаш лерина ду хьадисаш схьаделлачеран цыIерашна, куньяшна, лакъабашна. Иштта жайнаш хIиттадо гIалат ца бовлархьама, иэ ца янхьарма хьадисаш схьаделлачеран цIераш.
Уггаре гIарадаьлла оцу тайпана жайнаш:
- Iали ибн аль-Мадини Китаб аль-асами ва-ль-куна.
- Ахьмад бин Хьанбал аль-Асами ва-ль-куна.
- Мухьаммад аль-Бухари аль-Куна.
- Муслим ибн аль-Хаджжадж аль-Куна ва-ль-асмаъ.
- Абу Iабдуллах Мухьаммад ибн Ахьмад аль-Мукъаддами (велла 913) Тарихь асмаъ аль-мухьаддисин ва кунахум.
Iаьрбийн меттадакъошкахь[нисйе бӀаьра | нисйе]
МагIрибан (малхбузан) Iаьрбаша дешан хьалхара элп ца доьшу أبو меттана بو, аьлчи а Абу дешан меттана яздо, деша а доьшу Бу. Масала:
- Бу Тефлика Абу Тафлика меттана.
- Бу Медьян Абу Мадьян меттана.
- Бу РгIиба Абу Ракъиба меттана.
Билгалдахарш[нисйе бӀаьра | нисйе]
Литература[нисйе бӀаьра | нисйе]
- Kunya / Wensinck A. J. // Encyclopaedia of Islam. 2 ed. — Leiden : E. J. Brill, 1960—2005.(мехах)
Хьажоргаш[нисйе бӀаьра | нисйе]
|
Кунья (цӀе) Викиларма чохь |
|---|
- Хадави Техрани Кунья(ТӀе цакхочу хьажорг — истори). Шиитская энциклопедия. Архивйина хьалхара хьостан чуьра 2013 шеран 30 майхь. Теллина 2013 шеран 29 майхь.
- Кулиев Э. Можно ли давать кунью ребенку или взрослому, у которого нет детей?(ТӀе цакхочу хьажорг — истори). guliyev.org (2013, 22 апрель). Архивйина хьалхара хьостан чуьра 2013 шеран 30 майхь. Теллина 2013 шеран 29 майхь.
