Верольский, Юрий Борисович

Верольский Юрий Борисович
Вина терахь	1929({{padleft:1929|4|0}})
Вина меттиг	Соьлжа-ГӀала, Нохч-ГӀалгӀайн АССР, РСФСР, ССРС
Кхелхина терахь:	2004 шеран 30 май({{padleft:2004|4|0}}-{{padleft:5|2|0}}-{{padleft:30|2|0}})
Кхелхина меттиг:	Тамбов, Росси
Гражданалла:	ССРС →  Росси
ГӀуллакхан тайпа:	прозаик, поэт, литературхо
Жигара шераш:	1960-2004
Произведенин мотт:	оьрсийн
СовгӀаташ:	Динчу гӀуллакхашна (ГӀалгӀайчоь)

Верольский Юрий Борисович (1929 шеран 6 апрелехь, Соьлжа-ГӀала — 2004 шеран 30 майхь, Тамбов) — советийн а, российн а йаздархо, литературхо, Нохч-ГӀалгӀайн АССР йаздархойн бертан декъашхо (1991 шо), РСФСР Халкъан серлонан тӀехдикахо (1964 шо), Нохч-ГӀалгӀайн АССР Хьакъдолу оьздангаллин белхало (1988 шо).

Биографи

Вина 1929 шарахь гӀуллакхехь болчеран доьзалехь. 1952 шарахь чекхйаьккхина Соьлжа-ГӀалин хьехархойн институтан историн-филологин факультет. 1952 шарахь оьрсийн меттан а, литературин а хьехархо болхбан волавелла Туркестанан-Сибрехан цӀерпоштнекъан Защита станцера йуккъерачу ишколехь. 1954—1961 шерашкахь Соьлжа-ГӀалара № 106 йолчу йуккъерачу ишколан хьехархо вара.

1960—1995 шерашкахь болхбина Нохч-ГӀалгӀайн хьехархойн институтан литературин кафедрехь. Ассистент тӀиера доцент тӀекхаччалц дӀавахана. Литература, мохкӀамор, педагогика, литератураӀамор ишколехь хьехаран гӀуллакхаш хьоьхура. Литературин хьехархочун гӀоьнна Ӏилманан-практикан конференцешкара методикан гуламаш хӀитта а йора, редакци а йора.

Хьехархо а, литературин мохкӀаморан говзанча а санна лар йитина ца Ӏаш, Нохчийн Республикера дуккха а бевзаш болу йаздархойн, журналистийн, йукъараллин гӀуллакххойн хьехамхо хилира цунах. Соьлжа-ГӀалахь литературин-мохкӀаморан музей йан дагадеанчарех цхьаъ вара. Хилла штатехь воцу «Соьлжа-ГӀалин белхало», «ГӀебартойн-балкхаройн бакъдерг», «Тамбовн дахар» газетийн корреспондент. Зорбатоьхна «Дон», «Халкъан дешар», «Литература ишколехь», кхин а журналашкахь.

1995 шарахь Нохчийчохь тӀом хилар бахьнехь кхалха дийзира Тамбов. Болхбира Тамбовн дешаран белхалойн квалификаци айаран институтан гуманитаран дисциплинаш хьехаран кафедран доцент.

Библиографи

• «Литературин-мохкӀаморан болх ишколехь» (Соьлжа-ГӀала, 1961 шо);
• «Нохч-ГӀалгӀайчоь оьрсийн советийн литературехь» (Соьлжа-ГӀала, 1965 шо);
• «Кавказо динарш» (Соьлжа-ГӀала, 1980 шо);
• «Пушкинан тачанаш тӀехула» (Тамбов, 1999 шо).

Байтийш гуламаш

• «Ленинан урам» (Соьлжа-ГӀала, 1960 шо);
• «Синтем байна латта» (Соьлжа-ГӀала, 1984 год);
• «Къилбехьа кораш» (Соьлжа-ГӀала, 1991 год);
• «Дийнан шорте. Нохчийчоь-Тамбов» (Тамбов, 1996 год).

Литература

• Адиз Кусаев. Поиски и находки краеведа // Столица+ : газета. — 2004. — № 21. — С. 7.
• Юбилей // Вайнах : журнал. — 2009. — № 4. — С. 32.