Хьаьж
Хьаьж (Ӏаьр. حج — хьадж) бохучу дешан маьIна – Iалашо а, цхьана метте кхача лаар а бохург ду. Хьаьж даран ШарIехь долу маьIна иштта ду: Макка ваха Iалашо хилар, хьаьж тIерадаккхархьама, шен сифатца а, шен хенахь а, шен билламашца а.
Хьаьжин цIа вахаран хьукм[нисйе бӀаьра | нисйе]
Массо а бусалба уммата барт хилла бу шен ницкъ кхочуш волчунна шен дахарехь цкъа хьаьжин цIа вахар парз ду аьлла. Иштта церан массеран а барт хилла Хьадж дар Исламан пхеа баххех цхьа бух хиларна тIехь. Лекха хинволчу АллахIа аьлла:
|
АллахIана (хьакъ) ду нахана тIехь - цара хьадж дар, шайх новкъа ваха ницкъ кхаьчначо[1], ткъа нагахь цхьамма иза керста дахь – (цунна хаийла) АллахI Iаламера хIума оьшуш ца хилар
(Сурат "Áл-Iимран" 97 аят) |
|
Хьадж даран арканаш[нисйе бӀаьра | нисйе]
Хьадж даран арканаш диъ ду:
- Ихьрам (Ниййат дар, хьадж дехкар).
- Iарафатехь хан яккхар.
- Ифадат тIаваф дар.
- Сафа-ломана а, Марват-ломана а юкъахь дIасавахар.
ХIара арканаш массо кхочуш хиларца бен хьадж кхочуш хуьлуш дац.