Кабса

ХӀара яззам Википеди чуьра бу — маьрша энциклопеди
Навигацин тӀегӀо Лахарна тӀегӀо
Кабса
Kabsa.jpg
Авторалла
Пачхьалкх
Компоненташ
Коьрта Дуга, жижиг, чамбийриш

Кабса (Ӏаьр. كبسة‎‎كبسة‎ kabsah) — дуган а, жижиган а дааран тайпа, схьадаьлла СаӀудийн Ӏаьрбийчуьра, цигахь лору иза къоман даар. Кабса СаӀудийн Ӏаьрбийчоьн бахархойн къоман даар ларахь а, иза дукха кечдо Яманехь, ПалестӀинехь, Урданехь, КъатӀарехь, Ӏоманехь, ӀЦЭ, Бахьрайнехь, Ӏиракъехь, Кувайтехь. Дукхаха йолчу ГӀажарийн айман Ӏаьрбийн пачхьалкхашкахь даар девза макбус (makbūs) (Ӏаьр. مكبوس‎‎مكبوس‎) цӀарца.

Ингредиенташ[нисъе бӀаьра | нисъе]

Кабса даар до дукха хьолахь беха буьртиг болу дуганах, масала басмати тайпана, жижигах, хасстоьмех, иэйина чамбийраш а тухуш. Кабса даар масех кепара а хуьлу, хӀоранна шен бен йоцу башхаллаш а хуьлу. Оцу дааран туху чамбечеран иэдарш лерина кечйина юхкуш хуьлу. Церан хуьлу тайп-тайпана фирман цӀераш. Кийча иэдарш таро ло юург ечарна даар кечдаран хан яцъян, амма кечдинчу дааран чам ламастачух къаьсташ хила тарло. Алсама чам дааран бо лелочу чамбечара. Уьш ю: Ӏаьржа бурч, гвоздика, кардамон, шафран, корица, Ӏаьржа лайм, лавран гӀа, мускатан бӀар[1].

ГӀажарийн айман мехкашкахь machbūs (мачбус) цӀарца девза кабса даар.

Дааран коьртаниг жижиг ду. Леладо котаман, гезарийн, уьстагӀан, эмкалийн, бежанан жижиг, чӀара а, креветкаш а. Котаман мачбус еш лелайо дийна котам. Чамбечарех, дуганах, жижигах тоха тарло иштта компоненташ, масала миндаль, кедран бӀараш, арахис, хох, кишмаш[2]. Даар охьадуьллу довха долун томатан берамца.

Кечдаран технологи[нисъе бӀаьра | нисъе]

Кабсан жижиг тайп-тайпана хьесапашца кечдо. Жижиг кечдаран уггаре даьржина хьесап ду манди. Иза Яманехь йолийна шира технологи ю, цуьнца жижиг кӀорга ор чохь кхорзу. Кхин хьесап ду масби (mathbi), цуьнца жижиг кечдо цӀиен бина кӀоран тӀедехкина чӀапа тӀулгаш тӀиера гриль тӀаьхь. КхоалгӀа хьесап ду madghūt (мадгӀут), цуьнца жижиг кечдо сиха кхехкорган я яйн чохь.

Даар кечдарал хьалха яйн чу дутту зайтдаьтта а, буьллу налха а, тӀетуху гвоздика, корица, Ӏаьржа кардамон. Дерриг иза кхорзу масех секундехь. Цул тӀаьхьа котаман жижиг цӀийдо 5 — 6 минотехь. Даарх туху хох, саьрмасекх, томат, жӀонк. Иза дерриг кхорзу цхьаьна минотехь. Цул тӀаьхьа тӀетуху дуга, котаман чорпа, Ӏаьржа аьхьна бурч, кишмаш. Ерриг кхехкайо дуга даллалц.

Ламастаца даар дуу куьйга боккхачу кедара.

Хьажа кхин а[нисъе бӀаьра | нисъе]

Билгалдахарш[нисъе бӀаьра | нисъе]

  1. Al Kabsa - Traditional Rice dish. Food.com. Теллина 2012 шеран 23 июнехь.
  2. How to Make Kabsa. Теллина 2012 шеран 23 июнехь.

Хьажоргаш[нисъе бӀаьра | нисъе]