Фламинаш

ХӀара яззам Википеди чура бу — маьрша энциклопеди
Перейти к навигации Перейти к поиску
Фламин цӀуйн куй (апекс) коьртахь. Бюст Луврера

Фламинаш (лат. flamines, цхьаллин терахь flamen) — Шира Румера цхьацца деланаш бу бохучера цӀуй.

Фламин дарж валлалц дара; фламинаш бекъалора кхаа лакхарчуна, — хоржуш хилла патрицех а, Юпитеран, Марсан, Квиринан культ лелочарах а, — кхин а шийтта лахарнаш, хоржуш хилла плебейн тайпанашкара а, гӀийлачу «деланашна» (Вулканан, Флоран, кхин а) гӀуллакх дечарна а юкъара .

Лору, кхаа лакхара фламинийн дарж кхоьллина Нума Помпилий[1] волуш. Империн муьрехь волчу 15 фламинан тӀекхийтира «деланаш» бинчу императорийн фламинаш.

Шен дарже кхачале фламинаш хилла Юли Цезарь а, Нерон а.

Юпитеран фламинан дарж (flamen Dialis) гуонаха хӀиттийна шорта, чӀогӀа нисдина низам а, бехкамаш а бара. Масала, иза вуьжуш волчу маьнгин ког хаттаца бехбина хила безара, коьртахь хӀума йоцуш аравала, говрахь лела цамагара, дийначу божах, буьдачу жижигах, хутал-бецах, кхоьшах хьакхавала йишъяцара цуьнан, кхин дӀа а.

Фламинийн башха куьй бара, апекс (лат. apex — бохь) олуш. И жима куй зайт-диттан чкъоьрах бора. Цунах вевзара фламин, хӀунда аьлчи Ширачу Румехь апекс лелон цӀуйн-фламинийн бен бакъо яцара.

Билгалдахарш[нисъе | нисъе чухулара]

Литература[нисъе | нисъе чухулара]

  • Фламины // Энциклопедический словарь Брокгауза и Ефрона: В 86 томах (82 т. и 4 доп.). — СПб., 1890—1907.
  • Фламинаш (ингалс.). — в Smith's Dictionary of Greek and Roman Antiquities.

Хьажоргаш[нисъе | нисъе чухулара]