Гуннбьорн Ульфсон

Гуннбьорн Ульфсон
ГӀуллакхан тайпа	путешественник-исследователь
Вина терахь	X бӀешо
Вина меттиг	Норвеги
Кхелхина терахь	X бӀешо

Гуннбьорн Ульфсон (Ульва Къиган кӀант Гуннбьёрн; норвег. Gunnbjørn Ulvsson; ваьхна X бӀешарахь) — норвегин хӀордахо, дуьххьара Америкин бердаш гина европахо хила тарло.

Америки «дӀайеллар»

Гуннбьёрн Норвегера Исланде воьдуш вара, амма хӀорд ловза баьлла кема кхоьссира малхбузехьа, иза бахьнехь цунна а, цуьнан тобанна а гучуделира керла латта. Цунах ала долийра Гуннбьёрнан гӀайренаш, йа «Гуннбьёрнан шхераш». Оцу гӀайренийн меттиг билгала ца йаьккхина, амма, схьагарехь, къмел ду Гренландин къилбаседа-малхбален архипелагех цхьаннах. Иштта, Гуннбьёрн лара мегар ду Америкин бердаш гина дуьххьарлера европахо.

Оцу хиламан нисса долу терахь билгала ца даьккхина. Тайп-тайпана хьосташа 876 тӀера 933 шо кхаччалц долу терхьаш леладо. Гуннбьёрнан лар тӀехула некъаш бира Снэбьёрн Борова (978 шарахь гергга), Хьаьрса Эрика (985/986 шо). Снэбьёрнна а, Эйрикна а дика хаара Гуннбьёрнна карийна латта мичхьа ду.