Цийчуьра оьздангаллин революци

«Сийлахь-боккха пролетарийн оьздангаллин карчам» (ламастан цийн маттахь 無產階級文化大革命)- 1966-1976-чу шерашкахь Цийчохь хилла идейн а, политикийн а кампанийн сери йу. Кампани йолинарг Цийчоьнан Коммунистийн Партин куьйгалхо хилла Мао Цзэдун вара. Цуьнан Ӏалашо йара цийн коммунизм ларйар. Цу хьокъехь цийн йукъаралла цӀанйан йезара йисинчу капиталистийн а, ламастийн а дакъалгех, иштта а Мао Цзэдунан ойла Цийчоьнан Коммунистийн Партин идеологин бух хила безара.

Доккха кхоссадалар олу кампани чекхяьллачул тӀаьхьа Цийчоьнан Коммунистийн Партехь йолайелла барт бохабен политика йара «оьздангаллин карчаман» коьрта бахьан.

1959-чу шарахь Пирсдаталан дарже хаьржина Лю Шаоци, кхиболу партин хьалханчаш шек бара Маос  пачхьалкхе юьйцу курс нийсахилар. Керлачу даржехь Лю волавелира социалан, экономикин политика дӀайахьа. Оцу политикин Ӏалашо йара кегийчу совдегаршна гӀодан.

1965-чу шеран чаккхенгахь Мао цамгаро вочуваьккхина вара. Люс, Чжоу Эньлао, Дэн Сяопино дӀайаьхьира къайлаха кхеташо. Цу гуламехь дина къамел историкашна хууш дац. Мухха делахь, Маос Лю шен дарже кхийдаш ву элира. Цамгар текхначул тӀаьхьа меттавеача Мао партера оппозицица къийсамаш болабира. «Оьздангаллин карчам» бара оцу мостагӀаллин жамӀ.

Оппозицин репрессеш йина ца Ӏаш, «оьздангаллин карчамехь» интеллигенци эккхийна лелийна, цул сов Цийчоьнан Коммунистийн Парти а, йукъараллин организацеш (Китайн кегийрхойн коммунистийн барт, профберташ, пионерийн кхолламаш) йохийна, цул сов зен хилла культурин, дешаран.

«Оьздангаллин революци» термин кхоллаелла Гординин вежарша 1917-чу шеран хӀутосург-беттан (майхь) йазйинчу «Анархизман манифестехь». Советийн политикин матте йукъайаькххина Ленинс 1923-чу шарахь, шен «Кооперацех лаьцна» цӀе йолчу йозанехь.