Пневмони

ХӀара йаззам Википеди чуьра бу — маьрша энциклопеди
Навигацин тӀегӀо Лахарна тӀегӀо
Streptococcus pneumoniae — бактерийн пневмони луьста карзахйоккхург

Пневмони (ширачу желтойн маттахь πνευμονία — «пехийн цамгар», πνεύμων — «пах»[1]), пехашна хьу кхетар — пехийн хьунан цамгар ю, хьалхарчу рогӀехь цо адаман альвеолаш олу хӀаваан тӀоьрмигаш талхабо[2][3].

Цамгаран билгалонаш[нисйе бӀаьра | нисйе]

Пневмонин рогӀера симптомаш ю:

  • садоьӀучу а, йовхарш еттачу а хенахь накха чохь лазарш
  • шет
  • садоьӀучу а, къамел дечу а хенахь са лоьцуш бала хьегар
  • кӀадвалар
  • дегӀан барамера лахара температура (кхузткъе пхи шарал сов хан йолу нехан а, гӀийла иммуннан система йолу нехан а)
  • хенарчу адамийн дог-ойла а, аппетит а, физически жигаралла а хийцаялар
  • дог керчар а, Ӏеттор а, чохьлазар а (наггахь бен ца хуьлу)[4]

Классашка екъар[нисйе бӀаьра | нисйе]

Триггере хьаьжжина билгалйоккху:

  • хьалхара пневмони — ша къаьстина цамгар ю;
  • шозлагӀа пневмони — кхечу цамгаран фонехь кхуьу; масала дӀа ца йолу бронхитан хьолехь шозлагӀа пневмони;
  • радиационан кеп — онкологин патологин радиотерапи ечу хьолехь йолало;
  • посттравматикан — некхан ваз лазинчу хьолехь йолало. Цуьнан жамӀ ду бронхиалан секрет сацар а, пехийн вентиляци талхар а. И бахьанаш долуш пехийн хьасаш чохь хьунан процессаш йолало.

Хьостанаш[нисйе бӀаьра | нисйе]

  1. Советский энциклопедический словарь / Гл. ред. А. М. Прохоров. — 4-е изд. — М.: Советская энциклопедия, 1988. — 1600 с.
  2. McLuckie A, ed. (2009). Respiratory disease and its management. New York: Springer. p. 51. ISBN 978-1-84882-094-4.
  3. Leach RE (2009). Acute and Critical Care Medicine at a Glance (2nd ed.). Wiley-Blackwell. ISBN 978-1-4051-6139-8.
  4. https://gkb81.ru/sovety/ne-propustite-pervye-priznaki-pnevmonii/