Макъруд

ХӀара йаззам Википеди чуьра бу — маьрша энциклопеди
Навигацин тӀегӀо Лахарна тӀегӀо
Печени макъруд

Макъруд (Ӏаьр. مقروض‎‎) — Къилба Африкин ламастан мерза печени. Иза схьаяларан мохк лору Тунис, амма чӀогӀа яьржина ю Алжазаирехь, Мароккохь (къаьсттина Уджда а, ТатӀуан а гӀаланашкахь), Ливехь, Мальтехь. Иза юкъаяьккхина аьлла хета Алжазаирера Мзабан оазисашкахь, СатӀийфан аренашкахь, кхечу хьосташца макърудан историн уьйр ю Къайруан гӀаланца, Тунисан синмехаллин коьрта шахьрица. Оцу гӀалахь 2008 шеран 20 майхь дӀаяьхьина хьалхара къоман макърудан фестиваль[1]. Кулинарин оьздангаллин дакъа санна, макъруд иштта яьржина дукха алжазаирхойх а, тунисхойх а бевлла бахархой бехачу мехкашкахь, масала Францехь.

МагӀрибехь, тайп-тайпана кепара ю макъруд, цхьадерш царех даттарш ду, церан юкъара кӀезиг хӀума ду ламастан макърудца, кеп дӀаяьккхичхьана[2][3]. Масала, макърут малахӀ (makrout malah, «дуьра макъруд»), йо картолах, чамбечарех (куркума, циц, орегано, тимьян), ткъа юкъаюллург йо саьрмасекх, томат, бурч, зайтдаьттан тоьхна бераме йоьллина котамах. ТӀаккха тӀеюхку керла кунжут. Классикан вариантехь печени юкъаюхку хурманаш, бӀараш я миндалан паста. Ромбан кеп хуьлу — оцу кепахь схьаяьлла цӀе а. Бод кечбо дама а, Ӏов а иэдой, цуо ло печенин башха текстура а, чам а[4]. Макъруд хурманашца а, мозца а алсама лелайо Рамадан баттахь.

Кечъяр[нисйе бӀаьра | нисйе]

Демах а, Ӏевнах а, бецан даьттах а боьллина бод чӀапбо, чуюллу хурман паста. Паста кечйо Дакълат Нур кепара хурманех, кхин а инжирах я миндалах, корицех, апельсинан чкъуьйригах. Бод хьарчабо рулет кепара, охьатаӀабо чӀапо хилийтархьама. ТӀаккха ромб кепара кийсигаш йоху. Цул тӀаьхьа печенин кечам я ботту бецан даьттанахь, я духовкин чохь ботту[5]. Иза яран тӀаьхьара мур бу макъруд хих а, мозах а, апельсинан зезагех а бинчу мерза шатӀ чохь тӀадаяр [6].

Билгалдахарш[нисйе бӀаьра | нисйе]

  1. Foued Allani, " En couverture ", La Presse Magazine,‎ 27 mai 2008, p. 2-7
  2. Makrout el louz - Les Joyaux de Sherazade (fr-FR), Les Joyaux de Sherazade (2015, 16 июль).
  3. Recette pour ramadan facile / Makrout salé (fr-FR), Les Joyaux de Sherazade (2014, 29 май).
  4. Desserts from Around the Globe. Dessertsfromaroundtheglobe.wordpress.com. Теллина 2014 шеран 9 апрелехь.
  5. Gaelle & Patrice Le Franc Makroudh. La Cuisinede Ma Copine. Архив йина хьалхара хьостан чуьра 2012 шеран 8 июлехь. Теллина 2014 шеран 9 апрелехь.
  6. North African Cuisine (ингалс.). Теллина 2018 шеран 5 февралехь.