Дипломати

Дипломати- пачхьалкхийн а, мехкан урхаллийн а куьйгалхоша а, арахьарчу юкъаметтигийн меженаш а шайн пачхьалкхан арахьара политикан Ӏалашонаш а, хьесапаш а кхочушдаран болх бу. Иштта дипломати- шайн пачхьалкхан хьашташ дозанал дехьа лардаран гӀуллакх ду.

Дипломатин кеп

Дипломати вуно чӀогӀа кодификаци а, формализаци а йолуш гӀуллакх ду. Дипломатин лард ю 1961-чу шеран дипломатин юкъаметтигаш ларйеш йолу Венан конвенци.

Дипломатин Ӏалашонаш

• Векалалла
• дипломатин тӀекере а, дипломатин кехаташ дӀасакхехьийтар а
• дагадовларш дӀадахьар
• информаци лахар я дипломатин таллам
• Кхечу пачхьалкхашкахь болу шайн махкахойн хьашташ лардар а.

Дипломатин методаш а, гӀирсаш а

• Официалан а, кхин тайпа а хьажа-хӀоттар а, дагадовларш а
• дипломатин гуламаш а, конференцеш а, кхеташонаш а
• шина а, масийтта а агӀор дуьненаюкъара барт бар
• дуьненаюкъара кхолламийн а, церан меженийн балхахь дакъалацар
• кхечу пачхьалкхехь xӀop дийнан векалалла дар
• дипломатин кехаташ кхехьийтар
• дипломатийн кехаташ зорба тохар
• массийн хаамийн гӀирсашкахь дуьненюкъарчу хаттаршкахь мехкан урхаллин позици йовзийтар
• дипломатин хаам (нота)
• дипломатин юкъаметтигаш хадор
• Интернет машонан гӀирсаш а, хаамийн-коммуникацийн технологеш а, социалан машаш а лелаяр.

Дипломатин баххаш а, башхаллаш а

• Халкъашна юккъерачу бакъоно ца магдо диплотамийн векалшна болх беш болу пачхьалкхан чоьхьарчу гӀуллакхийн юкъагӀерта.
• Болх беш болу пачхьалкхашкахь дипломатин меженийн а,  дипломатин гӀуллакх дӀакхоьхьу жоьпаллин белхалойн массара а тӀеэцна бакъонаш а, гӀолинаш а ю (иммунитет а, дипломатин персоналан а, чоьнийн а корта-мукъалла а, дипломатин къевлина зӀенан а, шифраца яздина кехаташ кхехьийтар а, пачхьалкхан байракх айар а, таможнин гӀолинаш а).

Дипломатин тайпанаш

Пачхьалкхан арахьарчу политикин Ӏалашонашка а, цу Ӏалашонашна тӀекхача кепашка а хьаьжжина дипломатин тайпанаш хуьлу:

• машар баран политика
• канонеркин политика
• юкъалелар
• лехам-девнан дипломати
• долларийн дипломати
• юкъара  дипломати
• халкъан дипломати
• экономикин дипломати
• цифрийн (электронан) дипломати

Дипломатехь лелаеш цхьацца говзадешнаш

Дуьненюкъара юкъаметтигаш; Дуьненюкъара кхолламаш; Дипломатин кехаташ кхьехийтар; Дипломатин таллам; Дипломатин юкъаметтигаш; Юкъара дипломати; Зарратан (атоман) дипломати; Дипломатин протокол; Тешаллин грамоташ; Векал; Дипломат; Дипломатан де; Дипломаташ бохор (махкахбахар); Дипломатийн иммунитет.