Олимпийн ловзарш агӀонан коде хьажар

[[Файл:Olympic_flag.svg|мини|[[Олимпийн байракх]] — Олимпийн ловзарийн сийлалла]]

'''Олимпи́йн ло́взарш''' ({{lang-el|Ολυμπιακοί αγώνες}}, {{lang-fr|Jeux olympiques}}, {{lang-en|Olympic Games}}) — уггаре баккхий дуьненайукъара комплексан [[Спортан къовсам|спортан къийсамаш]], дӀахьо 4 шарахь цкъа [[Дуьненайукъара олимпийн комитет]]ан (ДОК) куьйгакӀела.
Олимпийн ловзаршкахь йаьккхина мидал, лору спортехь уггаре лакхарчу кхиамех цхьаъ.

Олимпийн ловзарш дӀадахьаран ламасташ, хилла [[Шира Желтойчоь|Шира Желтойчохь]], дуьненан тӀе девлла [[далла гӀуллакх дар]] санна. [[Антикин Олимпийн ловзарш]] дӀахьора [[Олимпи|Олимпехь]], иза желтойн йеза меттиг лорура. Олимпех схьайаьлла ловзарийн цӀе а. Вайн эрал 776 шо хьалхара вайн эран 393 шо кхаччалц болчу муьрехь хилла 292 Олимпиада. 293-гӀа Олимпиада йар сацийна Руман империн императоро [[Феодосий I]]-чо, ткъа Олимпийн ловзарш ца магийра  деланийн динехь ду аьлла.

ХӀокху заманан Олимпийн ловзарш карладехира XIX бӀешо чекхдолуш французийн йукъараллин гӀуллакххочо [[Кубертен, Пьер де|Пьер де Кубертена]]. Олимпийн ловзарш, кхин а девза [[аьхкенан Олимпийн ловзарш]] санна, дӀахьо хӀора 4 шарахь, долийна 1896 шарахь, [[Дуьненан тӀом|дуьненан тӀемаш]] йукъара девлла. 1924 шарахь йукъадехира [[Ӏаьнан Олимпийн ловзарш]], йуьхьанца уьш дӀахьора аьхкенан ловзарш долчу шарахь. Амма, 1994 шарахь дуьйна, Ӏаьнан Олимпийн ловзарш дӀадахьаран хан дӀатеттира шина шарна.

Олимпийн ловзарш чекхдевлла масех де даьлча оццу спортан объекташ тӀехь тӀеоьцу заьӀапа нахана йукъахь йолу [[Паралимпийн ловзарш]].

== Антикаллехь ==
{{Коьрта йаззам|Антикин Олимпийн ловзарш}}
[[Шира Желтойчоь]]нан Олимпийн ловзарш, Олимпехь дӀахьо, динан а, спортан а Ӏида дара. Ловзарш схьадовларан хаамаш байна, амма йисина, и хилам буьйцу, масех миф (дийцарехь ловзарш йукъадаьхна [[Геракл]]а). Исторера вайга кхаьчна оцу муьрера дуккха тептарш, гӀишлош, скульптураш. Дуьххьарлера документаша чӀагӀдина даздар хила вайн эрал 776 шо хьалха. Ловзарш долчу заманна беза [[Олимпийн барт|барт]] кхайкхабора, оцу хенахь тӀом бан йиш йацара, хӀетте а и бакъо масийттаза йохийра. Олимпийн ловзарийн маьӀна хаъал дайра румхой баьхкича. III бӀешеран шолгӀа дакъа чекхдаьлча ловзарийн гӀарадалар охьаделира, 394 шарахь император [[Феодосий I Сийлахьверг|Феодосий I-ниг]] волуш дӀадаьхьира тӀаьххьара документашца тешалла долу ловзарш, амма факт хила уьш тӀаккха а хуьлура Византин императоран [[Феодосий II]]-гӀачун урхаллин мур кхаччалц, оцу хенахь, 426 шарахь, йоккха цӀейаьлла йегира [[Олимпера Зевсан килс]].

== Олимпийн ловзарш дендар ==
[[Файл:Baron Pierre de Coubertin.jpg|мини|Барон [[Пьер де Кубертен]]]]
Олимпийн ойла, антикин къийсамаш совцийча а йерриг дӀа ца йаьлла. Масала, [[Ингалс]]ахь XVII бӀешеран дохаллехь масийттаза бира «олимпийн» къийсамаш. ТӀаьхьо тера къийсамаш бира [[Франци|Францехь]] (хьажа [[Республикин Олимпиада]]) а, [[Желтойчоь|Желтойчохь]] а. ТӀаккха а, уьш йара кегийра мероприятеш, регионан амал йолуш. Хьалхара бакъ йолу Олимпийн ловзарийн хьалхарниг йу «[[Панжелтойн Олимпийн ловзарш]]», уьш роже дӀахьора 1859—1888 шерийн муьрехь. Олимпийн ловзарш Желтойчохь дендаран ойла дагайеира поэтан [[Суцос, Панайотис|Суцос Панайотисан]], иза денйина йукъараллин гӀуллакххочо [[Заппас, Евангелис|Заппас Евангелиса]].

1866 шарахь, Олимпехь археологин ахкарш дина, карийра спортан а, килсан а объекташ. 1875 шарахь археологин талламаш а, ахкарш а дӀадаьхьира немцойн куьйгаллица. Оцу хенахь Европехь модехь йара романтикин-идеалан ойланаш антикаллех. Олимпийн ойла а, оьздангалла а денйа болу лаам баьржира йерриг Европе дикка сиха. Французийн барона Пьер де Кубертена ({{lang-fr|Pierre de Coubertin}}), Францин декъех ойла йеш, аьлла: «''Германис аьхкина йехира, Шира Олимпех йисинарг. ХӀунда ца денло Францега шира сийлалла?''».

Кубертенан хетарехь, французийн салтийн нисса гӀийла физикин хьал хилира [[Франко-пруссин тӀом|1870—1871 шерашкара франко-пруссин тӀамтӀехь]] французаш иэшаран коьрта бахьна. Иза гӀертара физикин оьздангалла тойина французийн хьал хийца. Цуьнца цхьаьна, цунна лааракъоман эгоизм иэшо, машаран а, дуьненайукъара вовшех кхетаран а къовсамехь дакъа лаца. «Дуьненан кегийрхой» ницкъаш, тӀеман аренашкахь а ца къуьйсуш, къовса декхарийлахь бара спортан къийсамашкахь. Олимпийн ловзарш дендар хетара уггаре дика сацам и ший а Ӏалашо кхочушйан.

1894 шеран 16-23 июнехь [[Сорбонна|Сорбоннехь]] (Парижан университет) хила конгрессехь, цуо йовзийтира шен ойланаш дуьненайукъара публикин. Конгрессан тӀаьхьарчу дийнахь сацам бира, '''хӀокху заманан хьалхара Олимпийн ловзарш''' хила деза 1896 шарахь [[Афина|Афинехь]], Ловзарийн даймахкахь — Желтойчохь. Ловзарш дӀадахьархьама, кхоьллира [[Дуьненайукъара олимпийн комитет]] (ДОК). Комитетан хьалхара президент хилира желто [[Викелас, Деметриус|Викелас Деметриус]], иза президент хилира [[Аьхкенан Олимпийн ловзарш 1896|1896 шеран I Олимпийн ловзарш]] чекхдовллалц. Инарлин секретарь хилира барон Пьер де Кубертен<ref>{{Cite web |url=http://www.chaspik.info/bodyfull/7678.htm |title=Виталий Орлов. Все наши: основателем олимпийского движения был правнук Ярослава Мудрого, а первым Президентом МОК — одессит. Час Пик, № 13(517), 03.04.2011 |access-date=2016-02-08 |archive-date=2016-08-01 |archive-url=https://web.archive.org/web/20160801065120/http://www.chaspik.info/bodyfull/7678.htm |deadlink=no }}</ref>.

== Уггаре даккхий регионийн ловзарш ==
* [[Азин ловзарш]]
* [[Африкин ловзарш]]
* [[Европин ловзарш]]
* [[Къилбаседа ловзарш]]
* [[Панамерикин ловзарш]]
* {{гочданза 5|ПанӀаьрбийн ловзарш|||Pan Arab Games}}

== Хьажа кхин а ==
* [[Олимпиада (хронологи)]]
* [[Олимпийн мидал]] / [[Олимпийн ловзарийн йукъара мидалийн зачёт|Йукъара мидалийн зачёт]]
* [[Олимпийн ловзарийн дуккхаза а чемпионийн исписка|Дуккхаза а чемпионийн исписка]] / [[Олимпийн ловзаршкахь уггаре дукха дакъа лаьцна спортхойн исписка|Уггаре дукха дакъа лаьцна]]
* [[Дика лааман ловзарш]]
* [[Сурдлимпийн ловзарш]]
* [[Дерригдуьненан экстремалан ловзарш]]
* [[Олимпийн ловзарийн совгӀатхойн спортан тайпанашкахула йолу испискаш]]

== Билгалдахарш ==
{{Билгалдахарш|2}}

{{Гергара проекташ 
|Ков = Олимпийн ловзарш
|Викидошам = олимпийн ловзарш
|Викицитатник = Олимпийн ловзарш
|Викитека =  Олимпийн ловзарш
|Проект = Олимпийн ловзарш
}}

{{Библиоинформаци}}
{{Олимпийн ловзарш}}
{{Мехкаш Олимпийн ловзаршках}}
{{Олимпийн ловзарийн жамӀаш}}
{{Олимпийн ловзарийн совгӀатхой}}

[[Категори:Олимпийн ловзарш| ]]
[[Категори:1896 шарахь дуьйна роже дӀахьо спортан къийсамаш]]