Вайнах (журнал) — Версийн башхалла
| [теллина верси] | [теллина верси] |
| МогӀа 6: | МогӀа 6: | ||
| веб-сайт = http://vaynah.at.ua/ |
| веб-сайт = http://vaynah.at.ua/ |
||
| цӀеран оригинал = |
| цӀеран оригинал = |
||
| сурт = |
| сурт =Вайнах (журнал).png |
||
| шоралла = |
| шоралла = |
||
| куьг = |
| куьг = |
||
| говзалла = |
| говзалла = литературин а, исбаьхьаллин а журнал |
||
| хьалхара цӀе = |
| хьалхара цӀе = |
||
| муралла = баттахь цкъа |
| муралла = баттахь цкъа |
||
Верси 2021, 1 июль, 19:47
.png) | ||||||||||||||||||||||||||||||||||||||||||||
| ||||||||||||||||||||||||||||||||||||||||||||
«Вайна́х» — Соьлжа-ГӀалахь хӀора баттах арадолу нохчийн литературан а, исбаьхьаллин а журнал. Арахоьцуш ду 1991 шо дуьйна. Цуьна хьалхара цӀе яра «Литературая Чечено-Ингушетия». Журналан хьалхара редактор вара поэт Алвади Шайхиев. Цул тӀаьхьа журналан редактораш бара Бердукаев, Хамзат Саракаев, Рамзан Байсултанов. 2002 шарахь журналан шен хӀинцлера цӀе тиллира. 2004 шо дуьна коьрта редактор ву яздархо а, поэт а Муса Ахмадов.
Журнал арадолуш ду оьрсийн а (80 агӀо), нохчийн а (16 агӀо) меттанашках. Тираж 2 500 экземпляр, формат А4.
Журналас юца таханлера нохчийн литературехь йоду процессаш, гӀо до нохчийн гӀиллакхаш а, истори а, культура а, мотт Ӏалаш беш. Зорба туху нохчийн яздархойн произведениш, нохчийн я оьрсийн маттахь ераш а, оьрсийн матта яхнарш а. Арахоьцуш ю гӀарбевла нохчийн яздархойн произведениш: Шайхи Арсанукаеван, Хамзат Саракаеван, Муса Бексултанован, иштта кхибераш а. Иштта нохчийн литературан классикийн а: Саид Бадуеван, Магомет Мамакаеван, Абузар Айдамирован. Зорба туху республикехь бевзаш болу литературоведашийн а, критикийн а статьяш а, рецензиш а.
Арайовлу нохчийн маттах а, исторех а, гӀиллакхах а, культурех а лаьцна статьяш, гуманитарни Ӏилманий диссертацин талламийн дакъош а. Журналас дуьйцу нохчийн культурехь хилла лараме хӀумнаш а, арайойла керла книгаш а. Мужалт тӀе туху нохчийн художникаш дехкина суьрташ. «Тха суьрташах лаьцна» цӀе йолу рубрикехь и суьрташ дехкина художникех лаьцна хаамаш хуьлу, цера кхоллараллин биографи юцу.
ДоттагӀий аьзнаш цӀе йолу рубрикас йовзита Российн кхоьчу регионашара, кхочу пачхьалкхашара яздархойн а, поэтийн а кхолларалца. Яш ю цхьанакхетараш яздархойн а, культурин белхалойн ешархошца а, литеран проблемашехь лаьцна «горга столаш» а. Редколлегин декъашхой дакъа лоцу форумашкахь а, конференцишкахь а, цхьанакхетарашкахь а.
2003 шарахь «Вайнах» журналан редакцис кхоьллира Нохчичоьхь тӀом хиллачул тӀехь хьалхара совгӀат. И совгӀат тӀаьхо делира Абузар Айдамирован, Шайхи Арсанукаеван, Хамзат Саракаеван, Муса Бексултанован, Саид Гацаеван. Оцу совгӀата Ӏалашо яра нохчийн маттахь язъяш болу похӀме яздархойн а, нохчийн маттан а, фольклоран а, талламхойн а гӀо дар а.
2007 шарахь Москвахь хилла йолу «Пресса-2007» цӀе йолу гайта хӀотторехь «Вайнах» журналас яккхира Гран-при «Хьалхара халкъан проекташ Прессин куьзганехь» конкурсехь масса агӀор говзаллин хьалхара халкъан проекташан кхочуш яр довзийтар.