Ӏелин-Юрт

ХӀара яззам Википеди чура бу — маьрша энциклопеди
Навигацин тӀегӀо Лахарна тӀегӀо
Тармадалита Ӏаьлий-Юрт.
Эвла
Ӏелин-Юрт
IMG 20180322 155326Iелин-Юртара маьждиг.jpg
Пачхьалкх Росси
Регион Нохчийчоь
КӀошт Теркан кӀошт
Юьртан меттиг Ӏелин-Юртан
Координаташ 43°40′18″ къ. ш. 44°57′37″ м. д.HGЯO
Хьалхара цӀерш Алхазово[1], Али-юрт[2]
Бахархой ↗8431[3] стаг (2018)
Бахархойн цӀерш Ӏелаюьртахой
Сахьтан аса UTCUTC+3
Поштан индекс 366823
Автомобилан код 95
ОКАТО 96216810001
Ӏелин-Юрт картан тӀехь
Ӏелин-Юрт картан тӀехь
Red pog2.svg
Ӏелин-Юрт картан тӀехь
Red pog2.svg
Ӏелин-Юрт картан тӀехь
Red pog2.svg

Ӏелин-Юрт[4] — Нохчийчоьнан Теркан кӀоштан эвла ю.

Ӏелин-Юртан юьртан меттиган административан центр[5].

Iелин-Юьртан администраци

Географи[нисъе бӀаьра | нисъе]

Ӏелин-Юрт лаьтта Теркан аьтту берд тӀехь, кӀоштан центр йолчу ЧӀулга-Юртан 8 километр малхбузехьа, цӀерпоштнекъан станци йолчу Ишорен 15 километр генахь, Гуьлгани (Ставрополан мохк) гӀалан дуьххьала. Уллора ярташ: къилба-малхбузехь — НогӀамирзин-Юрт, къилбаседа-малхбалехь — Бена-Юрт[6].

Юьртан микротопонимаш[нисъе бӀаьра | нисъе]

  • Юьртахь а, юьртан йисташкахула а ю микротопонимаш.
  • 1941-1945 шерашкара Сийлахь-Боккха Даймехкан тӀамехь кхелхинчу салташна вежарийн каш тӀехь боьгӀна хӀоллам. Юьртан юккъехь.
  • "Элан хьун" – юьртан къилба-малхбалехь.
  • "Халадан хьун" – изза хьун. Халад – паччахьан эскарехь хилла эпсар, цуьнан боккха мохк хилла Теркан аьтту бердаца.
  • "Зандакъойн бассе" – Теркан дукъан къилбаседа басе, дуьйш, дерзош, даьхни дажош лелош хилла Ӏелин-Юртара Зандакъойша.
  • "Шу тIера кешнаш" – юьртан къилбехьара кешнаш.
  • "Шира кешнаш" – юьртан юкъара кешнаш.
  • "Чарташ дохку меттиг" – изза кешнаш.
  • "Цугин хи" – юьртан къилбехьа. Цуга – долара цӀе.
  • "БугIин некъ" – къилбаседехьа Теркан тӀебоьду некъ. БугIа – долара цӀе.
  • "Айдин кхор" – Ӏелин-Юртан къилбаседа йисттехь ша лаьтташ кхор болу меттиг.
  • "Алашин хи" – юьртан къилбаседехьа. Алаша – наггахь бен хаалуш йоцу стеган долара цӀе[7].

Бахархой[нисъе бӀаьра | нисъе]

Бахархойн дукхалла
1970[8]2002[9]2010[10]2012[11]2013[12]2014[13]2015[14]
4962↗7184↗7471↗7715↗8034↗8268↗8299
2016[15]2017[16]2018[3]
↗8323↗8386↗8431
Къоман хӀоттам

2010 шеран Ерригроссийн нах багарбаран[17]:

Къам Дукхаллин барам,
чел. 		Дакъа
берриг бахархойх, %
нохчий 7 037 94,19 %
жӀай 273 3,65 %
гӀумкий 43 0,58 %
гӀазгӀумкий 24 0,32 %
кхин берш 28 0,37 %
ца хаийтина, къам доцуш 66 0,88 %
массо 7 471 100,00 %

Истори[нисъе бӀаьра | нисъе]

1944 шарахь нохчий а, гӀалгӀай а ара а баьхна, Нохч-ГӀалгӀайн АССР дӀаяьккхича Ӏелин-Юртан кхин цӀе тиллира – Гвардейски[2]. Советийн Ӏедал доьхначул тӀаьхьа шен шира цӀе Нохчийн Республикан Ичкерин парламенто меттахӀоттийра. НРИ Ӏедал дохийначул тӀаьхьа, юха а официалан цӀе Гвардейски лело йолийра.

Iелин-юрт цӀе тиллина хила тарло дуьххьара охьахиинчу Iелин цӀарах. «Теркаца хьала-охьа вехаш хиллачу Эла Мусостанний, Адин Сурхонний илли» цӀе йолчу Турпалийн иллин чохь буьцу хиламаш Iелин-юртахь хиллачух тера ду[7].

Инфраструктура[нисъе бӀаьра | нисъе]

Юьртахь ю социалан объекташ:

  • Ӏелин-Юртан муниципалан юккера юкъарадешаран № 1 ишкол[18].
  • Ӏелин-Юртан муниципалан юккера юкъарадешаран Мальсагов Аюбан цӀарах № 2 йолу ишкол[19];
  • Ӏелин-Юртан муниципалан юккера юкъарадешаран № 3 йолу ишкол[20];
  • Ӏелин-Юртан кхианза болчеран социалан-реабилитацин центр[21];
  • Ӏелин-Юртан "№ 1 йолу Берийн беш "МАЛЫШ""[22];

Юьртахь алссама туькнаш, кафеш, заправкаш ю. Эвла йисттехь Ӏелин-Юртана а, Бена-Юртана а юккъехь йиллина асфальтан завод.

Тайпанаш[нисъе бӀаьра | нисъе]

Ӏелин-юртара тайпанаш[23]:

  1. Зандакъой
  2. Энганой
  3. Чартой
  4. Анстой
  5. Чермой
  6. Билтой
  7. ЦӀонтарой
  8. ЧӀаьнтий

Юьртара гӀарабевлла бахархой[нисъе бӀаьра | нисъе]

Гериханов, Ихван Баудинович - (вина 1954 шеран 17 апрелехь, Караганда гӀала, Карагандан область, Кхазакхийн ССР) — Нохчийн Республикан политикан а, пачхьалкхан а, юкъараллин а гӀуллакххо, юридически Ӏилманийн кандидат, республикера юристех дуьххьарчарех Ӏилманча-юрист.[24][25] Нохчийн Республикан Ичкерин Парламентан депутат хилла.

Билгалдахарш[нисъе бӀаьра | нисъе]

  1. ↑ Сунженский округ Терской области
  2. ↑ 1 2 Указ Президиума Верховного Совета РСФСР о переименовании некоторых сельских советов и населённых пунктов Грозненской области (см. документ №100)
  3. ↑ 1 2 Численность населения Российской Федерации по муниципальным образованиям на 1 января 2018 года. Архив йина хьалхара хьостан чура 2018 шеран 26 июлехь. Теллина 2018 шеран 25 июлехь.
  4. ↑ Нохчийчоьнан яртийн цIерш.
  5. ↑ Гвардейский сельский округ (Надтеречный район)
  6. ↑ Карта Чечни Объём 8 МБ.
  7. ↑ 1 2 А.С. Сулейманов, Топонимия Чечни, Нальчик, Издательский центр "Эль-Фа", 1997,стр.553
  8. ↑ Надтеречный район (1970)
  9. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более. Архив йина хьалхара хьостан чура 2012 шеран 3 февралехь.
  10. ↑ Всероссийская перепись населения 2010 года. Том 1. Численность и размещение населения Чеченской Республики. Архив йина хьалхара хьостан чура 2014 шеран 9 майхь. Теллина 2014 шеран 9 майхь.
  11. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года. Архив йина хьалхара хьостан чура 2014 шеран 31 майхь. Теллина 2014 шеран 31 майхь.
  12. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов). Архив йина хьалхара хьостан чура 2013 шеран 16 ноябрехь. Теллина 2013 шеран 16 ноябрехь.
  13. ↑ Таблица 33. Численность населения Российской Федерации по муниципальным образованиям на 1 января 2014 года. Архив йина хьалхара хьостан чура 2014 шеран 2 августехь. Теллина 2014 шеран 2 августехь.
  14. ↑ Численность населения Российской Федерации по муниципальным образованиям на 1 января 2015 года. Архив йина хьалхара хьостан чура 2015 шеран 6 августехь. Теллина 2015 шеран 6 августехь.
  15. ↑ Численность населения Российской Федерации по муниципальным образованиям на 1 января 2016 года
  16. ↑ Численность населения Российской Федерации по муниципальным образованиям на 1 января 2017 года (2017, 31 июль). Архив йина хьалхара хьостан чура 2017 шеран 31 июлехь. Теллина 2017 шеран 31 июлехь.
  17. ↑ Том 4 книга 1 "Национальный состав и владение языками, гражданство"; таблица 1 "Национальный состав населения Чечни по городским округам, муниципальным районам, городским населенным пунктам, сельским населенным пунктам с численностью населения 3000 человек и более".
  18. ↑ МОУЧ 'СОШ 1 с. Гвардейское Надтеречного района'
  19. ↑ МОУЧ 'СОШ 2 с. Гвардейское Надтеречного района'
  20. ↑ https://gvardeysk3.edu95.ru/
  21. ↑ gsrtsn.ru/contact/
  22. ↑ http://www.list-org.com/company/8030006
  23. ↑ Сулейманов А. Топонимия Чечни. Грозный: ГУП «Книжное издательство», 2006.
  24. ↑ Диссертации на тему: Международное право, Европейское право. www.dissland.com. Теллина 2018 шеран 15 январехь.
  25. ↑ Стр. 51 - ученые чечни. chenetbook.info. Теллина 2018 шеран 15 январехь.

Хьажоргаш[нисъе бӀаьра | нисъе]


Нохчийн Республика ХӀара  Нохчийчоьнан географех лаьцна баланза яззаман кечам бу. Хьоьга проектана гӀо далур ду, йоза дика яздина, нисдина.
Хьост — «https://ce.wikipedia.org/w/index.php?title=Ӏелин-Юрт&oldid=2957092»