Шовкъ

ХӀара яззам Википеди чура бу — маьрша энциклопеди
Навигацин тӀегӀо Лахарна тӀегӀо

Шовкъ (шира.-грек. ἔκ-στᾰσις[1] — дехьаваккхар; воккхавер, хьекъал чуьра аравалар) — дикачу агӀора хоьттина аффект. Лаккхарчу барамера воккхавер, иракарахоттар.

Термин юьйцу антикан литературехь: Аристотелас, Плутархас, Плотинас.

Термин лелайора кхин а Танахан грекин гоччамера Септуагинтехь: ШолгӀа низам[2], Забур[3], Даниил пайхӀамаран жайна[4], Аввакума пайхӀамаран жайна[5], Закарий пайхӀамаран жайна[6], — Керла Весет: Маркера Инжил[7], Сийлахь сахьабийн гӀуллакхаш[8] жайнашкахь, — хьекъалан башха хоттам чура а, арахьара а дозанаш билгалдахархьама. И хоттам хуьлу воккхаверца.

Мантегаццин некъ[нисъе бӀаьра | нисъе]

Мантегацца Паоло, италин лор, «Адаман шовкъаш» (жайна зорба тоьхна оьрсин маттахь 1890, юха арахецна (репринт) 1995) жайнан автор, билгалдоху шовкъан тайпанаш[9]":

Аффектан шовкъ.
  1. Безаман шовкъ.
  2. Доьзалан уьйран, доттагӀаллин, гергара стаг везаран, шен са дӀадала кийча хиларан (альтруистин шовкъаш) шовкъаш
  3. Динан шовкъ.
Эстетикан шовкъ.
  1. БӀаьрсин шовкъ (кепаш, симметри, басарш).
  2. Хазаран шовкъ (музыкан).
  3. Чеккхе йоцучунна шовкъ (хӀорд, стигал).
Хьекъалан шовкъ.
  1. Кхолламан шовкъ (хаза къамел дар, Ӏедалаш).
  2. Бакъо йовзаран шовкъ (интеллектан синхаам).

Динан шовкъ[нисъе бӀаьра | нисъе]

«Петр асхьабана бӀарлагӀа». Графика. Гравюра. автор Юлиус Шнорр фон Карольсфельд. Инжилан иллюстраци, (Деян. 11:1-10). Сурт хоттор: Пётр асхьаб ламазехь лаьтташ шовкъехь лакхара хаам богӀу, маликаш стиглара охьадохьу сурт, цу тӀехь тайп-тайпана цӀена йоцу акхарой ю, цуо гойту суннат ца бина деланийхой, цхьана малико пӀелгаца гойту Петран уллера адамаш-деланийхой; тӀегӀан тӀехь йолу деланийхойх цхьа зуда, корта охьа а таӀийна куьг кхийдош ю Петрега

Ингалсан спиритуалистийн литературан классика Майерс Фредерика яздина, «чӀогӀа даьржина дин гайтар шовкъ ю».Субъектийн динан сингаттамах шовкъ ю массарна а ян йиш йолуш а, психологехь уггар бакъерг а. Шовкъах лаьцна муьлххачу динехь а хьехадо. «Акхачу нехан шаманера Будде кхаччалц, бусулба динехь а, керста динехь а — гуш ду шовкъах тера психологин тоьшаллаш, мел яккхий ялахь а оцу адамийн психологин, интеллектан, оьздангаллин башхаллаш».[10] Динан хьежамца Делаца шовкъехь къамел даран хоттам бало, цу чохь «са деле дирзина», амма, хьежам бац тӀеххьара тӀегӀа. Дукхах болу баккхий хьежамхоша къастийна а буьйцу, Деле вирзина дуӀанал лакхара а лору, билгал шовкъен хоттаман тоба[11]. Башхалла йоцучу хьежамехь адамо терго ца йо арахьара дуьненан, амма абстракции а ца йо юьззана. Шовкъехь адам арахьара дуьненах ца кхета. ХӀокху дуьненан цхьан а ницкъаш ца кхочу цуьнга, уггар чӀогӀамернаш а.

Масала, шовкъехь вара Пётр асхьаб, "Беза асхьабийн гӀуллакхаш" жайно дийцарехь, Иоппи гӀалахь ламазехь волуш, бӀарлагӀа кхечира «делера» хаам, дӀаэца беза килсе жуьгтий а, деланийхой а:

Хезара Иудейхь болчу асхьабашна а, делахоша Дела цхаъ вина аьлла. Пётр Иерусалиме веъча, суннатбинчара Ӏиттарш йора цунна: хьо суннатбанза болчарна тӀе а вахана церан пхьор диана веана бохуш. Пётр дийца волавелар мадарра, бохура: Иоппи гӀалахь аса ламаз дира, шовкъехь (ἐκστάσει) гира бӀарлагӀа: охьайогӀура цха пхьегӀа, йеа маьӀӀера лаьцна стиглара охьадоуьйту доккха кӀадий санна, суна тӀейоссийра иза. Со чухьаьжира, гира беакога дуьненан акхарой, текхаргаш, стиглан олхазараш. Хезира аз, цуо бахара соьга: «хьалагӀатта, Петр, урс а хьакхий йаа». Аса элира: «хӀанхӀа, Эла, цхьан а боьханиг сан кийра ца дахана». Жоп делира сунна стиглара озо шолгӀа: «Дала цӀанйинарг, ахьа малара боьха». Иза дара кхузза, юха хьаладелира шадерг стигал.

Деяния святых апостолов . 11:1—10


Бусулба динехь шовкъ[нисъе бӀаьра | нисъе]

Шовкъ — зикрехь дела хьахор дагах кхетча муридан хуьлу хьал ду. Ӏовдин а, Манин а муридашна йогӀу шовкъ стаг хьекъала чуьра ара а волуш. Уьш шовкъан хьолехь болуш гондахьа дерг гуш ца хуьлу, уьш беккъа дела хьахварах дог кхетий, кхийсалуш, корта лестош, боьлхуш хуьлу. Кунта-Хьаьжин муридаш шовкъе бевлчи ког тухуш, куьг тухуш, кхоссалуш, мохь тухуш деле кхойкхуш хуьлу. Кхечу муридийн а хуьлу хӀоранна а шен кепара шовкъ.


Билгалдахарш[нисъе бӀаьра | нисъе]

  1. Древнегреческо-русский словарь Дворецкого «ἔκ-στᾰσις»
  2. Второзаконие 28:28
  3. Псалом 115:2
  4. Книга пророка Даниила 7:28
  5. Книга пророка Аввакума 3:14
  6. Книга пророка Захарии 12:4
  7. Евангелие от Марка 5:42
  8. Деяния апостолов 10:10, 11:5, 22:17
  9. Паоло Мантегацца «Физиология наслаждений»
  10. "Frederic W.H. Myers «Human Personality and its Survival of Bodily Death», vol. II. p. 260
  11. Эвелин Андерхилл «Мистицизм. Опыт исследования природы и законов развития духовного сознания человека». К: «София», 2000 — PSYLIB, 2003

Литература[нисъе бӀаьра | нисъе]

  • William James, «Varieties of Religious Experience», 1902. [2]
  • Marghanita Laski, «Ecstasy. A study of some Secular and Religious Experiences», London, Cresset Press, 1961. См. обзор [3]
  • Marghanita Laski, «Everyday Ecstasy», Thames and Hudson, 1980. ISBN 0-500-01234-2.
  • Evelyn Underhill, «Mysticism», 1911. гл. 8 [4]
  • Spoerri Th. (Hrsg.) Beitrage zur Extase. Basel: Karger, 1968;
  • Josuttis H, Leuner H. (Hrsg.) Religion und die Droge. Stuttgart: Kohlhammer, 1972.
  • Мантегацца П. Экстазы человека. М. 1890.