Цуруев, Шарип Мовладович

ХӀара яззам Википеди чура бу — маьрша энциклопеди
Навигацин тӀегӀо Лахарна тӀегӀо
Шарип Мовладович Цуруев
Цуруев, Шарип Мовладович.jpg
Вина терахь 1963 шеран 20 январь({{padleft:1963|4|0}}-{{padleft:1|2|0}}-{{padleft:20|2|0}}) (56 шо)
Вина меттиг Гезал-Эвла, Гуьмсан кӀошт, Нохч-ГӀалгӀайн АССР, РСФСР, СССР
Корматалла яздархо, поэт, Ӏилманча, гочдархо, критик, публицист
Гражданалла ССРС СССРРосси Росси
Да Мовлади

Цуру́ев, Шари́п Мовла́дович (1963 шеран 20 январь, Гезал-Эвла, Гуьмсан кӀошт, Нохч-ГӀалгӀайн АССР, РСФСР, СССР) — нохчийн яздархо, поэт, журналист, публицист, Ӏилманча-филолог, гочдархо.

Биографи[нисъе бӀаьра | нисъе]

Шарип Цуруев вина 1963 шеран 20 январехь Нохч-ГӀалгӀайн АССРн Гуьмсан кӀоштан Гезал-Эвлахь. 1980 шарахь цо школа чекхъяккхира. 1981—1983 шерашкахь иза армехь вара. 1988 шарахь цо чекхъяьккхира Нохчийн пачхьалкхан университетан филологин факультет.

1988 шо дуьна цо школехь а, педучилищехь а, Нохчийн пачхьалкхан университетехь а хьехархо а, Гуманитарны Ӏилманан Ӏилман-талламан институтехь Ӏилманан белхало а, педучилищан директор а, республикан газеташан коьрта редактор а болх бира.

Цуруевс арахецна масийтта поэзин гулам а, эшараш а, публицистикан а, литературан а, критикан а, Ӏилманан статьяш.

Иза ву «Хьехархо» газетан кхоллархо а, коьрта редактор а. Иштта иза ву республикан исторехь хьалхара нохчийн маттахь долу «Таллам» цӀе йолу Ӏилманан журналан редактор. Иза арахоьцуш ду Нохчийн Республикан Ӏилманан академис.

Нохчичоьн яздархойн союзан а, Российн яздархойн союзан а, Российн журналистан союзан а декъашхо, Нохчичоьн яздархойн союзан урхаллин декъашхо. 2012 шеран «Литература» номинацехь «Дато бухӀа» совгӀатан лауреат[1]. Дукха шарахь бина кхолларалин балхана а, нохчийн литературан а, журналистикан а бина биллараман а цунна елла «Нохчийн Республикан дуьхьа бина кхиамашна» медаль[2].

Библиографи[нисъе бӀаьра | нисъе]

  • поэзин гулам «Останься, Чечня!» — 1992 шо;
  • поэзин гулам «Поверь, Отчизна!» — 2003 шо;
  • поэзин гулам «Цхьа мерза-гӀайгӀане мукъам» — 2011 шо.

Хьажоргаш[нисъе бӀаьра | нисъе]

Билгалдахарш[нисъе бӀаьра | нисъе]