Тарахь

Тарахь
تارح‎
Азар, Ан-Нахьатуль Аснам
Вина терахь	1883 в. э. хьалха
Кхелхина терахь	1678 в. э. хьалха
Къам	Жуьгтий, Намрузхой
Да	Нахьур
Зуда	Амилат (Буна)
Динлелор	ЦӀу-динах тешар
Динашкахь ларар	Ислам, Керсталла, Иудаизм
Генеалоги	Тарахь (Азар) бин Нахьур бин СаругӀ бин РагӀу бин ФалигӀ бин Ӏабир бин Шалихь бин Арфахашад бин Сам бин Нохь.

Тарахь (Ӏаьр. تارح‎‎) — Къуръанан адам а, ИбраьхӀим пайхамаран да а, Намруд паччахьан килсан цӀунаш лардархо а ву.

Биографи

Тарахь йа Азар цуьнан ши цӀе йу бохуш дуьйцу цхьаболчу Ӏеламнаха. Тарахьан ваша Азар хилла бохуш а дуьйцу. Делахь а дика хуург АллахӀ ву. Тарахь ИбраьхӀим винчул тӀаьхьа кхелхина бохуш а дуьйцу, а Азар цуьнан деваша хилла а боху. Тарахь веллачул тӀаьхьа цуьнан зуда Амилат (Буна), Азаре маре йахана бохуш а дуьйцу. Къуръан тӀехь Азар аьлла хьахийна ву иза. ЧӀогӀа тилла велла къинош долу стаг хилла боху. ИбраьхӀимас аьлла:

ИбраьхӀим аьлла шен дега: Баккъалла а ахьа цӀунаш делой санна лору, суна го, хьо а хьан къам а гуш долу тилла.  6:74Къуръан

ИбраьхӀимас шен дине кхайкхича, цо тӀара тоьхна хилла ИбраьхӀиман. Азар чӀогӀа тилла велла вон стаг хилла. Делой бу бохуш нах тилла а беш, шен шортта мах боккхуш хилла цо, цӀунаш а духкуш. ЦӀунан лолалла дар, шайн дайшан дин ду бохуш лелаш хилла и нах.

ИбраьхӀим цӀарга кхоьссинчул тӀаьхьа, АллахӀ дала иза кӀелхьара ваьккхича, Азара аьлла: «Ма дика ву-кх и хьан Дела, хӀай ИбраьхӀим!». ИбраьхӀимас АллахӀ деле даьхна хилла шен да нийсачу новкъа нисвен аьлла. Делахь а, АллахӀ дика хууш верг ву-кх.