Советийн хилла аре

ХӀара йаззам Википеди чуьра бу — маьрша энциклопеди
Навигацин тӀегӀо Лахарна тӀегӀо
Советийн хилла мехкаш лоьмаршца:

Советийн хилла аре, кхин а евза ЛПД а, Балтиййистан а мехкаш я гергара дозанал аре (цкъан а ССРС юкъахь хилла йоцу генара дозанал аренах къастош) санна — ерриш а 1991 шарахь Советийн Союз юхуш а, йоьхначул тӀаьхьа а юкъара араевлла маьрша пачхьалкхаш ю.

Советийн хилла пачхьалкхаш ю тайп-тайпана областера талламаш кӀелахь: географин, историн, политикин, экономикин, оьздангаллин.

Бахархой а, меттан хьал а[нисйе бӀаьра | нисйе]

Советийн хилла аренан бахархой 2015 шеран хьалхарчу декъехь бара 293 миллионал сов стаг. Царех ах гергга оьрсийн этнос дара, бисинчара дукхаха дерг дика буьйцура оьрсийн мотт, уьш бара билингваш (ши мотт буьцурш). Ерриг а советийн хиллачу пачхьалкхашкахь ССРС йоьхначул тӀаьхьа буьйцу алсама къаьмнийн меттанаш. Царна юкъара яккха мегар ду Белорусси: оьрсийн мотт буьйцу дукхаха болчу бахархоша, иза бахьнехь оьрсийн мотт къобал бира Пачхьалкхан мотт бина, белоруссийчуьнца цхьаьна. Цул сов оьрсийн мотт къоман иеттаца нисса лелаш бу Кхазакхстанехь, ГӀиргӀазойчохь, Таджикистанехь, цхьа могӀа официалан функцеш кхочуш ю Узбекистанехь. Оьрсийн мотт буьйцурш алсама бу Украинехь а, Молдавехь. Советийн хилла аренан мотт буьйцучеран барамца хьалхарчу меттигехь лаьтта славянийн меттанаш (оьрсийн, украинийн, белорусийн), шолгӀачу меттигехь — тюркийн меттанаш (азербайджанийн, алтайн, башкирийн, кхарачойн-балкхаройн, кхазакхийн, гӀиргӀазойн, кхаракхалпакийн, гӀумкийн, ногӀийн, узбекийн, уйгурийн, туркменийн, гӀезалойн, тувинийн, хакасийн, чувашийн, якутийн, кхин а).

Конфессин хӀоттам: керстанаш, бусалбанаш, буддисташ, кхин а.

Пачхьалкхаш а, географин регионаш а[нисйе бӀаьра | нисйе]

Советийн хилла пачхьалкхийн тобанаш:
     Росси      Балтийист      Малхбален Европа      Чоьхьара Кавказ      Юккъера Ази

Советийн хилла пачхьалкхаш екъало пхеа тобане. Екъаяларан хьесап, географин а, оьздангаллин а факторийн бух тӀехь ду, кхина а Российца йолу юкъаметтигийн историца а.