Седаев, Мухади Мовладиевич
| Мухади Мовладиевич Седаев | |
|---|---|
| Шех лаьцна | |
| Стен-боьршалла | боьрша стаг[d] |
| Пачхьалкх |
 СССР →  Росси |
| Говзалла | штангист |
| Вина терахь | 1962 шеран 8 сентябрь (61 шо) |
| Вина меттиг | Хьалха-Марта, Нохчийн Республика, РСФСР, СССР |
| Спортан карьера | 1972-1992 |
| Тренераш | Кодзоев |
| Йозалла | 60 кг |
Муха́ди Мовла́диевич Седа́ев (1962 шеран 8 сентябрь, Хьалха-Марта, Нохчийн Республика, РСФСР, СССР) — нохчийн штангист, масийттуза СССР чемпион а, СССР Кубок йаьккхинарг а, СССР халкъашна йуккъера классан спортан говзанча.
Биографи[нисйе бӀаьра | нисйе]
Иза винера 1962 шеран 8 сентябрехь Хьалха-Мартахь. КхозлугӀа классехь паргӀата кепар латаран секци аьха волавелира иза. Кеста цо республикин чемпионатехь толам а беккхира, спортан мастеран кандидатан норма кхочуш а йира. 1980-гӀа шераш долалуш хенахь иза йеза атлетикин секци аьха волавелира. Цуьнан тренер вара Ибрагим Кодзоев. Мухади вара 56 а, 60 а кг кхаччалц йолу категоришкахь леташ.
Беа баттахь цо спортан мастеран кандидатан норма кхочуш йира, кхиъ беа баттахь — спортан мастеран норма. 1982 шарахь Томскехь иза юниорашна йукъахь йолу СССР чемпионатехь чемпион хилира. Иштта цу шарахь иза кхиинчу спортсменан йукъахь чемпион а, халкъашна йуккъера СССР спортан мастер а хилира. 1982 шарахь иза СССР йеза атлетикин гулйина командан декъашхо хилира.
Кхиамаш[нисйе бӀаьра | нисйе]
- 4-за СССР чемпион (1985, 1988, 1989, 1990)
- 4-за СССР Кубок йаьккхинарг (1983, 1985, 1986, 1988)
- 2-за ДоттагӀалан Кубок йаьккхинарг
- 2-за ДоттагӀалан эскарийн Спартакиадан чемпион
- Балтикан Кубок йаьккхинарг.
- 1987 шарахь Европин чемпионатехь борзан мидал (Реймс, Франци)
Цо йитира йоккха спорт 1992 шарахь. ХӀинца иза ву Хьалха-Мартан СДЮСШ тренер болх беш.
2012 шарахь Львовехь ветеранашна йуккъера дуьненан чемпионатехь цо шозлугӀа меттиг а йаьккхира, рывок йеш хьалхара меттиг а йаьккхира. 2013 шарахь Туринехь ветеранашна йуккъера дуьненан чемпионатехь 56 кг кхаччалц йолу йозаллин категорехь цо толам а беккхира, йиъ дуьненан рекорд а хӀоттайира.
