Крумин, Гаральд Иванович

Крумин Гаральд Иванович
Крумин Гаральд Иванович
	Haralds Krūmiņš
Вина терахь	1894 шеран 21 июль
Вина меттиг	Ригин уезд Лифляндин губернехь
Кхелхина терахь	1943 шеран 17 май (48 шо)
Кхелхина меттиг	Котлас Коми АССР
Гражданалла	Российн импери→ ССРС
ГӀуллакхан тайпа	журналист

ХӀокху терминан кхин а маьӀнаш ду, хьажа Крумин.

Крумин Гаральд Иванович (кхин а Круминьш Харальдс (латыш. Haralds Krūmiņš), вина 1894 шеран 21 июлехь Лифляндин губернин Ригин уездера Сунцельн эвлахь— велла 1943 шеран 17 майхь, Коми АССР) — латышийн, советийн партин гӀуллакххо, журналист.

Биографи

Вина йуьртара хьехархочун доьзалехь. 1905 шарахь чекхйаьккхина йуьртара килсера ишкол, деша хӀоьттира ригин гимназе.

Круминна боккха Ӏаткъам бора цуьнан воккхаха волчу вашас Альфреда а, йишас Герминас а, уьш оцу хенахь Латышийн социал-демократин белхалойн партин (ЛСДБП) декъахой бара. 1909 шерашкахь Крумин Гаральд кхин а йукъавахара ЛСДБП (ЛСД). 1910 шарахь цӀийнах хьожуш цуьнгахь карийра къайлаха марксистийн литература, иза дӀаваьккхира гимназера, араваьккхира Эзель гӀайрен тӀе меттигерачу мозгӀаран тергоне, цигахь кхин дӀа дийшира меттигерачу гимназехь. Амма 1912 шарахь иза дӀаваьккхира оцу гимназера а «тешаме ца хиларна».

1913 шарахь цуьнан аьтту белира Перновера гимнази чекхйаккха. Цул тӀаьхьа иза деша хӀоьттира Петарбухан университетан историн-филологин факультете. Цигахь иза хуьлу латышийн большевикийн Петарбухан «Прометей» кӀоштан партин кхолламан уггаре жигарчех цхьа. «Бакъдерг» газетехь йаззамаш, заметкаш, корреспонденцеш зорба туху. 1916 шарахь Петроградан университетан историн-филологин факультет чекхйаьккхинчул тӀаьхьа йуха Ӏедал тӀехьаделира, къайлаха вехира Псковехь. 1916 шарахь Москохахь цуо болх бира къайлаха РСДБП(б) Москохан а, Преснин а комитетийн латышийн кӀоштахь (Къилбаседа тоба).

Сочиненеш

Организация и управление производством, [М., 1920];
Новая экономическая политика в промышленности, М., 1922;
Пути хозяйственной политики, М., 1924;
В борьбе за социализм, М., 1926;
Основные вопросы хозяйства и оппозиция, М., 1927;
Итоги и проблемы социалистического строительства, М.— Л., 1927;
О НЭПе, М.— Л., 1929;
Борьба за индустриализацию и задачи партии, М.— Л., 1929.

Хьажоргаш

Хронос. Крумин Гаральд Иванович
Г. И. КРУМИН (1894—1943)
[chel-portal.ru/?site=encyclopedia&t=Krumin&id=9230 Крумин (Круминьш) Геральд (Гаральд) Иванович]

Хьовса хьоьху хьосташ

Паушикна Г. М. Трагедия невиновных: Воспоминания. М.: 1965—1988. Машинопись 289 с. Архив Об-ва «Мемориал» Ф. 2, Оп. 1, Дело 92.

Билгалдахарш