Кру́миньш Я́нис (латыш. Jānis Krūmiņš, Круминь Ян Янович; 1930 шеран 30 январехь(19300130), Латвин Цесиссан кӀоштара Райскумс йурт[1]— 1994 шеран 20 ноябрехь, Рига[1] Латви) — советийн латвийн баскетболхо, центровой, ССРС гулйина командин йукъахь Европин кхузза чемпион а, Олимпийн ловзарийн кхузза вице-чемпион а, ССРС спортан хьакъ долу говзанча (1959). Локхалла — 218 см, ловзаран возалла — 140 кг.
Латвера Цесиссан кӀоштахь вина Янис Круминьш ша-кепара ву, баскетболе иза 23 шо кхаьчначул тӀехьа варца[2], цул хьалха иза гӀоьртира тайп-тайпана спортехь Ӏама — бокс тӀера гоьмукъ кхийсаре кхаччалц. Тренеран Гомельский Александран аьтту белира жимачу хенахь дуьйна хьуьнхахь силам гулбеш волу Круминьш, баскетболех ловзарх тешо. Гомельскийс билгалдоккхура, Янисан буьрканца болу белхан техника хала карайоьрзура, амма латышан къахьега лааро, низамо цуьнан прогресс ца соццуш айалора. Шен дахарехь Круминьша дуьххьара баскетболан буьрка каралаьцначул тӀаьхьа ши шо даьлча, цунах ССРС чемпион хилира, ткъа кхин а шо даьлча даьккхира 1956 шеран Мельбурнера Олимпиадин дети.
Ригин СКА йукъахь Гомельскийн куьйгаллица Круминьш кхузза хьалхий-тӀаьхьий (1958-60) баьккхира Европин чемпионийн кад 4-зза хьалхий-тӀаьхьий ССРС чемпионат (1955-58). Тоьлла 1956 шеран ССРС къаьмнийн Спартакиадехь.
2006 шарахь российн «Спорт-Экспресс» газето XX бӀешеран уггаре дика советийн центровой хоржуш динчу хеттаршца, Круминьш йаьккхира кхоалгӀа меттиг Сабонис Арвидасал а, Ткаченко Владимирал а тӀаьхьа[3].
Карьера чекхйаьккхинчул тӀаьхьа Круминьшах хилира гӀараваьлла исбаьхьалча-агархо, цу тӀе белхан цхьа дакъа цуо дора, скульптор говзалла йолчу шен зудчун Инессин бустамашца[2]. Янисан а, Инессин а кхо бер хилира — ши кӀант а, йоӀ а.
Круминьш дагахь лаьтта гӀда кхоссаран тамашийна хьесапца — цуо буьрка кхоссара лахара хьала, «когашна йукъара»[4].
СовгӀат дина «Сийлаллин билгало» орденца.
- Баскетбол. Справочник / Составители З. А. Генкин, Е. Р. Яхонтов. — М.: «Физкультура и спорт», 1983. — 224 с.
| |
|---|
| Дошамаш а, энциклопедеш а | |
|---|
Медиафайлаш Викилармехь
