ГуьчггӀеран Аюбан Ӏела

ГуьчггӀеран Аюбан Ӏела оьрс. Али Аюбович Гучигов
ГӀуллакхан тайпа	политик
Вина терахь	1914({{padleft:1914|4|0}})
Вина меттиг	Хьалха-Марта
Кхелхина терахь	1957 шеран 29 сентябрь({{padleft:1957|4|0}}-{{padleft:9|2|0}}-{{padleft:29|2|0}})
Корматалла	пачхьалкхан а, тӀеман а гӀуллакххо
Гражданалла	Российн импери → СССР
Да	Аюб
Зуда	Табарик Гучигова Анна Алексеевна Фирсова
Бераш	кӀант Ахьмад кӀант Владимир йоӀ ТӀаус
СовгӀаташ	ГӀарваларан Орден Кеп:Даймехкан тӀеман 2-ра даржан орден

ГуьчггӀеран Аюбан Ӏела (оьрс. Али Аюбович Гучигов) (1914, Хьалха-Марта — 1957 шеран 29 сентябрь) — нохчийн XX бӀешеран хьалхаран эхан пачхьалкхан гӀуллакххо, Сийлахь-боккха даймехкан тӀеман декъашхо, гвардин майор.

Биографи

Иза винера 1914 шарахь Хьалха-Мартахь. 17 шо кхаьчча иза хилира Хьалха-МартантӀехь «Ленинан некъ» колхозехь бригадир. Дика къахьегаран цунна нохчийн йукъара хьалхара «Силаллийн орден» йелира. Иза хаьржира Хьалха-Мартанан райисполкоман председатель.

Иза вара СССР Лакхара Советан 1 созыван депутат.

1939 шарахь иза шен лаамехь советско-фински тӀамтӀе вахара. Цо дакъалецира Москвахь 1941 шеран 7 ноябрехь ЦӀен майданехь хиллачу парадехь.

Брянскан уллехь иза гвардеец хилира. Циггахь цо шен хьалхара орден йаккхира — ЦӀен Байракхан орден. Кхузахь цо шен взвод хӀаллакхилучура къелхьарайаккхира, цунна шиъ чов а йира. Кёнигсберган уллехь шен хьаьким вийча цо айбира шен батальон мостагӀан тӀелата.

Официальни боцу хаамца, иза вара хьалхара Кёнигсберган комендант. Амма нохчий хиларна оцу даржера дӀавеккхира.

Али Гучигов вевзаш вара Рокоссовски маршалан. Гучигован хьаьким вара Советски Союзан маршал, 11-гӀа гвардин эскаран куьйгалхо И. Х. Баграмян. Али Гучигован бераш лардеш ду И. Х. Баграмянас Ӏали кӀанте Гучигов Ахьмадега 1974 шарахь йаздина кехат. Цу тӀехь йаздина дара:

… в отличных боевых качествах, в благородстве, мужестве и храбрости майора Али Гучигова йа убедился на протяжении почти полуторагодичного командования армией. Должен сказать, что благодаря самоотверженному отношению Али Гучигова к своим обязанностям, боевая охрана штаба армии и её командного пункта всегда осуществлялась на самом высоком уровне и заслуживала всегда достойной похвалы…

Кехат чекхдолу И. Х. Баграмянс йаздира:

Дорогой Ахмед Алиевич! Вот таким славным командиром Советской армии был Ваш отец. Я до сего времени не могу забыть о нём. Крайне опечален, что он слишком рано ушел из жизни, но уверен, что Вы — его сын, достойно продолжите его замечательную жизнь полную патриотизма и героизма во славу нашей великой Родины. С искренним уважением маршал Советского Союза И. Х. Баграмян.

Гучигов шозза хьалхатеттира Советски Союзан Турпалан цӀе йаларна, амма шозза а иза къобал ца вира нохчий хиларна.

СовгӀаташ

• Мидал «Москвы ларйаран»;
• Мидал «Кёнигсберг йаккхаран»;
• Мидал «1941-1945 шерашкахь хилла Сийлахь-Боккха Даймехкан тӀамтӀехь Германи эшайаран»;
• «Силаллийн орден» (1936);
• ЦӀен Байракхан Орден;
• 2-гӀа даржан Даймехкан тӀеман Орден (1943);
• 1-гӀа даржан Даймехкан тӀеман Орден (1945).

Виццавар

• Хьалха-МартантӀехь цхьа урам бу Али Гучигован цӀе тиллина.
• Хьалха-МартантӀехь хӀора шарахь хуьлуш йу Али Гучигован сий деш республикин паргӀата кепар латара турнир.

Литература

оьрсийн маттахь

• шеран Дашаев. По зову сердца, по долгу совести. Маршо. 6 мая 2005, с. 13.
• Магомед Эльжуркаев. Дороги славы отцов наших. Вести республики. с. 7.
• Т. Абдулаева. Во имя памяти героев. Ламанан аз. 21 июня 2010. № 125, с 3-4.

нохчийн маттахь

• ШаӀрани Дашаев. Майра командир. Даймохк. 6 мая 2000. № 48. С. 3.
• Хьасамби Яхъяев. Милу ву и, Гуьчг Аюбан Ӏела. Даймохк. 26 февраля 2007, № 19-20. С. 6.

Хьажоргаш

• Али Гучигов — славный сын чеченского народа и достойный защитник Родины
• Война и мир майора Гучигова Архивйина 2016-03-04 — Wayback Machine