Гуьржийн къоман куьйгайозан тептарийн центр
| Гуьржийн къоман куьйгайозан тептарийн центр | |
|---|---|
| гуьрж. ხელნაწერთა ეროვნული ცენტრი | |
| Кхоьллина терахь | 1958 шеран 30 июнь |
| Директор | Буба Кудава |
| Сайт | manuscript.ge(гуьрж.)(ингалс.) |
 Медиафайлаш Викилармехь | |
Гуьржийн къоман куьйгайозан тептарийн центр, хьалха Куьйгайозан тептарийн институт (гуьрж. საქართველოს ხელნაწერთა ეროვნული ცენტრი [сака́ртвелос хелна́церта эро́внули це́нтри] — Гуьржийчоьнан Ӏилманийн Академин йукъара Ӏилманан центр, хьалха хилла Гуьржийчоьнан ӀА Куьйгайозан тептарийн Кекелидзе Корнелийн цӀарах институт. 1958 шарахь Гуьржийн ССР ӀА (кхоьллина 1929 шарахь) Гуьржийчоьнан академик С. Н. Джанашиан цӀарах музейн куьйгатептарийн декъан бух тӀаьхь бина Ӏилманан-талламан кхоллам. Институтехь Ӏалашдеш ю тептарийн ладаме коллекци оьрсийн, эрмалойн, грекийн, гӀажарийн, Ӏаьрбийн, туркойн, азербайджанийн, жуьгтийн, кхечу а меттанашкахь.
Истори[нисйе бӀаьра | нисйе]
Куьйгайозан тептарийн къоман центр кхоьллина 1958 шарахь «Гуьржийчоьнан Ӏилманийн академин Куьйгайозан тептарийн институт» аьлла. Иза кхоьллира Гуьржийчоьнан къоман музейн Куьйгайозан тептарийн декъан коллекцин бух тӀехь. Институт йиллинчех цхьаъ а, хьалхара директор а вара агванийн абат дуьххьара дӀайиллина волу Илиа Абуладзе (1901—1968). 1962 шарахь институтан цӀеран тӀетуьйхира «Кекелидзе», гуьржийн филологан а, литературин историкан а Корнели Кекелидзен сийнна. 1968 - 1989 шерашкахь Институтан директор яра Гуьржийчоьнан Ӏилманийн академин академик Елена Метревели. 1989 - 2006 шерашкахь директор вара Гуьржийчоьнан Ӏилманийн академин декъашхо-корреспондент Заза Алексидзе. 2006 шарахь дуьйна институтан директор ву Буба Кудава.
2006 шарахь «Гуьржийчоьнан Ӏилманийн академин Куьйгайозан тептарийн Корнели Кекелидзе цӀарах институт» дӀаяьккхира, иза хийцира публикан бакъонца йогӀу юридически юьхь кхолларан новкъа - «Корнели Кекелидзе Куьйгайозан тептарийн институт»[1] аьлла. 2007 шеран 23 майхь дуьйна Институтан белхалоша кховдорца, цуьнан цӀе хийцира «Куьйгайозан тептарийн къоман центр». Оцу лаамна гӀолецира Дешаран а, Ӏилманан а министралло, къобал бира правительствос.[2]
Структура[нисйе бӀаьра | нисйе]
Центран административан гӀуллакхан урхалла до директоро, ткъа Ӏилманан талламашна, белхашна тӀехь урхалла до Ӏилманчийн кхеташоно. Цул сов, Центран юкъайогӀу кхин структураш: дакъош а, лаборатореш а. ХӀинца ду бархӀ дакъа (Кодикологи, ХьостӀамор а, дипломатика а, Архиван таллам, Фондийн урхалла, Гайтамаш, Дешар , Библиотека, Говзаллийн истори) а, шиъ лаборатори а (Ӏалашдаран а, тодаран а, терхье яккхаран).
Директор[нисйе бӀаьра | нисйе]
Куьйгайозан тептарийн къоман центран директоро урхалла до Центран административан белхан. КхоалгӀа агӀонашца директор Центран официалан векал ву, жоп ло Центран болх законехь, хьекъалехь, эффект йолуш а хиларх.[3]
Куьйгайозан тептарийн къоман центран Уставаца, Ӏилманчийн кхеташоно директор деа шарна хоржу. Оцу даржан лакхара бехкам бу Ӏилманчан лакхара тӀегӀа а, белхан, лаххара а, пхеа шеран зеделларг.[4]
Центран директоран гӀовс ву, директор воцучу хенахь цуьнан декхарш кхочуш до цуо. ХӀинца Центран директор ву Буба Кудава.
Хьажоргаш[нисйе бӀаьра | нисйе]
- Сайт ГНЦР (анг.яз.)
- Институт рукописей
Билгалдахарш[нисйе бӀаьра | нисйе]
- ↑ History, official web-page of the National Centre of Manuscripts Архивйина 2014-08-08 — Wayback Machine
- ↑ New name – The National Centre of Manuscripts, official web-page of the National Centre of Manuscripts Архивйина 2014-08-08 — Wayback Machine
- ↑ The Charter of the National Centre of Manuscripts, article 9. ТӀекхочу дата: 2018 шеран 21 сентябрь. Архивйина 2014-01-09 — Wayback Machine
- ↑ The Charter of the National Centre of Manuscripts, article 10. ТӀекхочу дата: 2018 шеран 21 сентябрь. Архивйина 2014-01-09 — Wayback Machine