АллахӀ

ХӀара яззам Википеди чура бу — маьрша энциклопеди
(ДӀасахьажийна кху Аллахl)
Дехьа гӀо: навигаци, Лахар

АллахӀ (Ӏаьрб. الله‎‎ Аз АллахӀ алар) — исламехь — иза бусалба-дин бакъ волу Дела ву, дуьне а, маликаш, джиннаш, адамаш а кхоьллинарг ву иза, къемат-дийнан паччахь а ву. АллахӀ-дала шен Дин чӀагӀдеш ваийтина ву Мухьаммад-пайхамар Mohamed peace be upon him.svg.

Доца ислам-динан билгалонан фраза ду: «Цхьа дела вац, АллахӀ воцург, Мухьаммад — АллахӀ-делан элча ву». Мухьаммад-пайхамара (АллахӀ-делера салам маршалла хуьлийла цунна) аьлла: «АллахӀ-делан дезткъе ткъесна цӀе ю, бӀе йоцург, уьш хиинарг ялсамани гӀур ву».

АллахӀ ву стигал а, латта а кхоьллинарг. АллахӀ-дала аьлла: «Ша кхоьллина ма-дац маликаш, джиннаш, адамаш а шена лолалла дайта бен». АллахӀ ву ша воцург кхин дела а воцуш, уггаре хаза цӀераш ерг а.

Къуръанан тӀехь

Къуръан — иза АллахӀан дуьхьал дӀа къамел ду, Мухьаммад-пайхамаре дина дехар дара, Джабраиль маликехула. АллахӀ-дала ша хьахийна, шен сийлахь долчу къуръанехь:

« Ахь ала: "Иза АллахӀ цхьаъ ву, АллахI — хьаштверг ву, цо ца вина, иза а ца вина, цхьа а вац цунах тера"
 112
»

АллахӀ-дела бакъ хиларан билгалонаш

Делах лаьцна вайна хуур ду цо кхоллина долчунах, а Деза Йозанийн агIонаш тIера
АллахӀан цӀе

«Цхьа а дела вац, хинволу АллахӀ-воцург, цхьа а накъост воцуш волу, цуьнан долахь ду олалла, хастам бу цунна; цхьа дела вац, АллахӀ воцург; АллахӀ-дела воккха ву; цхьанне а ницкъ бац, АллахӀ воцучунна, Лекха а, Воккха а волчу». АллахӀа тӀадамашах цӀийн улх кхоьллина, иштта даьӀахкаш а, тӀаккха адаман са а кхоьллина. АллахӀ ша адамашна елла хан ю, и хан чекхъяьлча адаман дӀакхелха. ТӀаккха Къематдийнахь массо а АллахӀ-дала денвийра ву. Баккъалла а, АллахӀ-делан карахь ду стиглахь дерг а, лаьттахь дерг а. Хиндерг а, хилларг а хууш ву иза, Къематдийнахь хиндолу хьал хууш верг ву иза.

Хьекъал

Бакъдерг, Сийлахь волчу АллахӀ-дала хьекъал кхоьллича, цунна тӀевирзина аьлла: «ДӀадерза оцу агӀор» — хьекъал дӀадирзина, «Вукха агӀор дӀадерза» — хьекъал дӀадирзина. ТӀаккха Сийлахь-АллахӀа аьлла: «Дуй боу ас, сайн сийлахьаллица, аса ца кхоьллина алсамо доккха кхоллар, хьо санна, хьо бахьанехь аса таӀзар дийр ду, хьо бахьанехь аса мах лур бу!».

Хьекъал бахьанехь адамах адам хилла. И хилла инзаре доккха АллахӀ-делан беркат. Адам, ша кхоьллинарг мила ву а цахууш, цуьнан омраш кхочуш ца деш верг а, хьекъале вац, нагахь санна-м, иза адамийн куьцех а вац.

Кхин хьажа