Австрин-Мажарчоьнан импери йохар

ХӀара йаззам Википеди чуьра бу — маьрша энциклопеди

Австрин-Мажарчоьнан импери йохар — геополитикехь доккха маьӀна долу хилларг ду. Цул хьалха пачхьалкхехь доладелира чоьхьара социалан цхьаьнацадар а, Австрин-Мажарчоьнан тайп-тайпана дакъош дӀакъастар а. Ткъа пачхьалкх йохар бахьана дара — Дуьненан хьалхара тӀом болабалар, 1918-чу шеран ялта цахилар, экономикин кризис.  

1918-чу шеран эсаран/гӀадужу (октябран) 17-чохь Мажарчоьнан парламенто Австрица йолу уни йохийра, тӀаккха дӀакхайкхира пачхьалкхан лаамалла, эсаран  (октябран) 28-чохь Чехословаки кхоллаелира, цул тӀахьа эсаран 29-чохь кхоллаелира Словенцийн, хорватийн, сербийн пачхьалкх. Лахьанан/лахьан (ноябран) 3-чу дийнахь Малхбузе-Украинийн халкъан республико дӀакхайкхира шен лаамалла, 6-чу дийнахь Краковехь дӀахьедира Польша юхаметтахӀоттор. Импери юхучу хенахь кхоллаелира Тарнобжеган республика, Гуцульски республика, Оьрсийн Халкъан Республика Лемков, Команча Республика, Прекмурье Республика, Мажарчоьнан Советийн Республика, Словакийн Советийн Республика, Банат Республика, Фиуме Республика.