Сура Нухь

71 Сурат НУХЬ (Маккахь доьссина‚ дерриге 28 аят). Ша сов къинхетаме а‚ къинхетаме а волчу Делан цIарца.

• 1. Баккъалла а, Оха вахийтира шен къомана тIе Нухь: "Кхерам таса хьан къамана цуна тIе лазош долу Iазап дале"‚ аьлла.
• 2. Цо элира: "ХIай сан къам! Баккъалла а, со шуна билгала волу кхерамча ву-кх:
• 3. Далла Iибадат де‚ Цуьнах кхера‚ суна муьтIахь хила!
• 4. /ТIаккха/ Цо гечдийр ду шуна шун къинош‚ тIаьхьатоттур ду шу /Iазап ца деш/ цхьана тоьхначу ханна  Iожалла кхаччалц. Баккъалла а, Делан Iожалла ша еъча тIаьхьа ца таттало‚ шу хууш хиллехь".
• 5. Цо /Нухьас/ элира: "Со Кхиош-кхобуш волу сан Дела‚ баккъалла а, аса кхайкхира /дин/ сан къаме буса а‚ дийнахь а.
• 6. Амма сан кхайкхамо уьш /динах/ бовдар бен алсам ца даьккхи.
• 7. Баккъалла а, аса уьш мел кхайкхи Хьоьга шайна гечдан‚ цара шайн пIелгаш шайн лергий чудуьхкара /сан кхайкхар шайна ца хазийтархьама/‚ шайн бедаршца шайн кортош хьулдора /ца хазийтархьама/‚ уьш чIагIбелира /шайн къиной тIехь/‚ курабелира курабаларца.
• 8. ТIаккха аса цаьрга кхайкхира чIогIа.
• 9. ТIаккха баккъалла а, аса цаьрга кхайкхира гучахь, аса кхайкхира цаьрга къайлах.
• 10. Аса элира: "Гечдар деха шаьш Кхиош-кхобуш волчу Деле‚ баккъалла а, Иза хилла дукха гечдешверг.
• 11. Цо стигал йоуьйтур ю шуна алсам /догIица/.
• 12. Цо гIодийр ду шуна хьолаца‚ кIенташца‚ хуьлуьйтур ю шуна бошмаш‚ хуьлуьйтур ду шуна хиш-татолаш.
• 13. Шуна хIун хилла? ХIунда дог ца доху аш Деле /Иза/ лийрарца?
• 14. Цо кхоьллина шу даржаца /цIа тIадам‚ тIаккха детина цIи хуьлуш‚ тIаккха  даьIахк хуьлуш‚ тIаккха цунна тIе жижиг латош…/.
• 15. Шуна ца го‚ муха кхоьллира Дала тIеттIа ворхI стигал?
• 16. Цо хилийтира бутт царна чохь нур хилла‚ Цо хилийтира малх чиркх хилла.
• 17. Дала шу схьадовлийтира лаьттах орамат /санна кхуьуш/. /Адам лаьттах кхоьллира/.
• 18. ТIаккха Цо шу юха дIадерзор ду цуьнга /лаьтте/ ‚ схьадохур ду схьадахарца /къематдийнахь/.
• 19. Дала хилийтина шуна латта кIел куз санна.
• 20. Шу цуна тIехахула лелийтархьама шайна шуьйра некъаш луьйцуш".
• 21. Нухьас элира: "Со Кхиош-кхобуш волу сан Дела‚ баккъалла а, цара суна Iесалла йи‚ уьш тIаьхьахIоьтти шен бахамо а‚ шен доьзало а шайна эшал бен сов ца яьккхинчунна.
• 22. Цара йи йоккха мекарло‚
• 23. Цара элира: "Ма биталаш шайн делий а‚ ма виталаш Вадда а‚ СуваI а‚ ЯгIус а‚ ЯIукъ а‚ Наср а !"
• 24. /Нухьас доIа дира/: "Цара тилира дукханаш‚ зуламхой сов ма бахалахь тиларций бен".
• 25. Шайна гIалатех /къинойх/ уьш хича бахийтира‚ тIаккха цIерга бахийтира‚ царна ца карийра Дела воцург гIоьнчий.
• 26. Нухьас элира: "Со Кхиош-кхобуш волу сан Дела‚ Ахьа ма виталахь лаьттан тIехь цатешачарех цхьа а цIа чохь вехаш верг.
• 27. Баккъалла а, Ахьа уьш битахь цара Хьан лай тилор бу‚ цара дуьнена бохур бац къинош деш верг‚ цатешаш верг бен.
• 28. Со Кхиош-кхобуш волу сан Дела‚ Ахьа гечделахь суна а‚ сан денна-нанна а‚ муъма хилла сан цIачу ваьллачунна а‚ муъма нахана а‚ муъма зударшна а‚ Ахьа сов ма бахалахь зуламхой хIаллакбарций бен!"